Trompkúnstir. S-AV Norður &spade;KD4 &heart;ÁG53 ⋄94 &klubs;8742...

Trompkúnstir. S-AV

Suður spilar 4♥.

Suður verður sagnhafi í 4♥ eftir grandopnun og Stayman og vestur tekur tvo fyrstu slagina á hjónin í tígli. Spilar svo laufgosa. Suður drepur og veltir fyrir sér hvernig best sé að fara í trompið. Með yfirvofandi tapslag á lauf má engan gefa á tromp.

Íferðin vefst ekki fyrir lesendum Mogga, sem horfa á allar hendur. En í svíningabók Kelseys er byrjað með tvær hendur tómar og þá virðist koma til greina að svína fyrir hjartadrottninguna á hvorn veginn sem er. En svo er ekki vegna sjöunnar í trompi heima. Hennar vegna má ráða við fjórlit í austur ef einspil vesturs er annaðhvort átta eða nía.

Tæknilega rétta íferðin er því að spila hjartatvisti á ás og síðan gosa úr borði. Ef austur splæsir drottningunni mynda ♥107 gaffal yfir ♥96. Engum slíkum kúnstum er til að dreifa gegn fjórlit í vestur.