Innflytjendamál eru víða í ógöngum. Biden ákvað á fyrsta degi að koma þeim þangað hjá sér. Hann hefur setið í næstum tvö ár og er búinn að missa meira en tvær milljónir ólöglegra yfir fyrrverandi landamæri Bandaríkjanna. Þar er allt á suðupunkti. Samanburður við Ísland fæst ef deilt er með 1.000 og sýnir að við erum verri en Biden! Páll Vilhjálmsson skrifar:
Arndís Anna þingmaður Pírata segir Grikkland ruslahaug. Mannfjandsamlegt er að senda börn þangað.
Tilfallandi höfundur hefur ekki komið til Grikklands en þekkir nokkra sem hafa sótt heim forna menningarríkið og láta vel af. Þingmaður Pírata virðist telja sig vita betur.
Ef hugur fylgir máli hjá Arndísi Önnu ætti hún að bjóða grísku þjóðinni hæli á Fróni.
Þingmanni og sálufélögum yrði ekki skotaskuld úr því að bjarga Grikkjum frá vanþrifum líkt og flóttamönnum heimsbyggðarinnar.
Flóttamenn á heimsvísu eru 100 milljónir, Grikkir ekki nema 10 milljónir.
Mannkynsfrelsarinn á alþingi Íslendinga er sérfræðingur í góðverkum á kostnað annarra.“
Til baka
Leita í greinasafni
Prenta grein