3 lítrar vatn
1,5-2 kg súpukjöt
½ dl hrísgrjón (má sleppa)
2 msk salt (og örlítill hvítur pipar)
5-8 gulrætur
8-10 kartöflur
1-2 rófur (smáar)
¼ hvítkálshaus
1 laukur
1 dl súpujurtir
Skolið kjötið og setjið í pott ásamt þremur lítrum af vatni. Fleytið af mestu froðuna eftir að suðan kemur upp. Sjóðið kjötið í minnst 45 mínútur.
Skerið grænmetið í passlega bita á meðan kjötið sýður.
Þegar kjötið hefur soðið í 45-60 mínútur, setjið þá 1 dl af súpujurtum út í, lauk, kartöflur, rófur, gulrætur, salt, örlítinn hvítan pipar og ef þið viljið 1/2 dl af hrísgrjónum.
Sjóðið áfram í um 20 mínútur og ekki er verra að sjóða hana lengur þannig að kjötið detti nánast af beinum. Súpan er enn betri daginn eftir.