Kelsey. N-Allir
Norður | |
♠D5 | |
♥ÁK1072 | |
♦ÁDG3 | |
♣85 |
Vestur | Austur |
♠G76 | ♠K82 |
♥84 | ♥DG93 |
♦10862 | ♦K95 |
♣G743 | ♣1096 |
Suður | |
♠Á10943 | |
♥65 | |
♦74 | |
♣ÁKD2 |
Suður spilar 3G.
Á svíningum gæt þín, segir Hugh Kelsey og spyr um bestu spilamennsku í þremur gröndum með tígultvisti út.
Ekki svína, ráðleggur Kelsey, og varar við eftirfarandi atburðarás: Austur á slaginn á tígulkóng og skiptir yfir í lauftíu. Suður drepur og spilar spaða á drottningu blinds og kóng austurs. Aftur kemur lauf og nú fyrst rennur upp fyrir sagnhafa að spilið er í hættu. Raunar tapað, eins og legan er. Leiðin til að tryggja níu slagi er að drepa á tígulás í fyrsta slag og fara í spaðann. Þá er alveg sama hvernig landið liggur.
Magnús mörgæs bar spilið undir vini sína og fékk loðið svar frá Getlinum: „Það er augljóst að Kelsey er ekki mikill tvímenningsspilari.“
„Var,“ leiðrétti Óskar ugla: „Skoski rithöfundurinn Hugh Walter Kelsey lést 1995. Hann skrifaði yfir 50 bækur um spilið.“
„Jáhá.“