Jólasalat
2 græn epli
1 pera
2 klementínur
sítrónusafi
50 g suðusúkkulaði
1,5 dl sýrður rjómi
3 msk. Egils-appelsínuþykkni
50 g hnetutoppskurl
2 dl rjómi, þeyttur
Eplin, peran og mandarínurnar flysjuð og skorin í litla bita og örlitlum sítrónusafa hellt yfir.
Suðusúkkulaði, sýrðum rjóma, appelsínuþykkni og hnetutoppskurli hrært saman og blandað saman við ávextina.
Síðan er rjómanum hrært varlega saman við.
Kremaður maís með spínati
500 g frosin maískorn – affryst
250 g spínat
80 g smjör
40 g hveiti
250 ml rjómi
salt
hvítlaukspipar
olía
Maískornin steikt á pönnu upp úr smá olíu í u.þ.b. 3 mínútur, þá er spínatinu bætt út á pönnuna og kryddað með salti og hvítlaukspipar.
Í öðrum potti er smjörið brætt við meðalhita og síðan hveiti bætt út í hrært vel.
Þá er rjómanum bætt út í smá saman þar til blandan þykknar vel, passa þarf að hræra mjög reglulega þar sem þetta brennur mjög auðveldlega við.
Síðast er maís og spínati hrært saman við sósuna og borið fram heitt.
Karamellu
kartöflur sem aldrei klikka
500 g kartöflur
200 g rjómaatöggur frá Nóa
1,5 dl mjólk
50 g smjör
Kartöflur annað hvort soðnar eða skolaðar ef notað er forsoðnar kartöflur.
Í potti á vægum hita eru karamellurnar og mjólkin brædd saman, þegar blandan er orðin kekkjalaus er smjörinu bætt út í og hrært þar til blandast saman.
Að lokum eru kartöflunum bætt út í og leyft að draga aðeins í sig karamellusósuna áður en þær eru bornar fram.