Hamborgarhryggur
Þennan hamborgarhrygg þarf ekki að sjóða. En hann er settur í eldfast mót eða ofnskúffu ásamt 6 dl af köldu vatni. Settur í ofn á 160°C í 90 mínútur, þá tekinn út, penslaður með gljáanum og settur aftur inn í ofn í 15 mínútur, en þá á 220°C.
Gljái
150 g púðursykur
3 msk. dijon-sinnep
2 msk. Egils appelsínuþykkni
Öllu hrært saman.
Jólasósan
1 lítri svínasoð
2 msk. Egils-appelsínuþykkni
½ lítil dós jólaöl
3,5 dl rjómi
rifsberjahlaup
maizenamjöl
salt
sósulitur
svínakraftur
Soðið af hryggnum er sigtað í pott. Ef það nær ekki 1 lítra, þá er vatni og svínakrafti bætt út í.
Síðan er appelsínuþykkni og jólaöli bætt saman við og vökvinn soðinn niður um um það bil helming.
Næst er rjómanum bætt út í og sósan smökkuð til. Það gæti þurft að bæta við svolitlu salti eða rifsberjahlaupi.
Að lokum er sósan þykkt með maizenamjöli og lituð með sósulit.