1 stk. smjörsprautað kalkúnaskip Hagkaups
olía
smjör
salt
Kalkúnaskipið tekið úr pakkningunum og þerrað.
Sett í ofnskúffu og kryddað með salti. Þá er það bakað á 180°C í um það bil 45 mínútur á hvert kg sem kalkúnaskipið er.
Dijon- og salvíukalkúnasósa
100 g gulrætur
1 stór laukur
3 hvítlauksgeirar
1 msk. piparkorn
3 greinar rósmarín
30 g salvía
350 ml hvítvín
500 ml rjómi
2 msk. gróftkorna dijonsinnep
1-2 msk. kalkúnakraftur
Gulrætur, laukur og hvítlaukur skorin gróft og steikt í potti á meðalhita með piparkornum og rósmaríngreinum.
Þegar laukurinn er orðinn glær er salvíu og hvítvíni bætt út í og látið sjóða niður um rúmlega helming.
Þá er rjóma hellt saman við og soðið aftur niður þar til sósan fer að þykkna aðeins, þá er hún sigtuð. Eftir það er sinnepi og krafti bætt út í.
Sósan er svo smökkuð til og þá hægt að bæta út í meiri krafti eða sinnepi ef fólk vill.
Gljáðar gulrætur og rauðlaukur
6 msk. púðursykur
150 ml appelsínusafi
3 litlir rauðlaukar
500 g gulrætur
750 ml grænmetissoð (vatn og 2 grænmetisteningar)
Gulrætur flysjaðar og skornar í tvennt til fernt á lengdina.
Rauðlaukurinn skorinn í fernt.
Grænmetið er soðið í grænmetissoðinu, gulræturnar í um það bil sex mínútur og laukurinn þrjár mínútur.
Á meðan er appelsínusafa og púðursykri blandað saman og hrært.
Grænmetið sigtað frá soðinu og sett á plötu, þá er púðursykursblöndunni hellt yfir og grænmetið bakað í ofni á 200°C í 15 mínútur, velt vel upp úr púðursykursblöndunni 1-2 sinnum á bökunartímanum.