Kynngiveður í Höggmyndagarði

Sýningaverkefnið Avant-garður tekur sér rými í Höggmyndagarðinum, Nýlendugötu 17a, nú í desember. Að þessu sinni er það sýningin Kynngiveður sem opnuð verður í dag kl. 16. Á henni sýna Margrét Helga Sesseljudóttir og Solveig Thoroddsen og segir um kynngiveður í tilkynningu að það magni upp fornar þjóðsagnir og þær verur sem þar þrífist og bregði ljósi á tilveru þeirra í nútímanum.