Norður
♠ ÁD10973
♥ --
♦ --
♣ ÁD107642
Vestur
♠ K2
♥ Á1074
♦ 1086532
♣ K
Austur
♠ 8
♥ KG8652
♦ DG97
♣ 98
Suður
♠ G654
♥ D93
♦ ÁK4
♣ G53
Suður spilar 7♠.
Hvorki Boye Brogeland né Daniel Zagorin bjuggust við stórtíðindum þegar þeir tóku upp spilin sín í átta-liða úrslitum Soloway-bikarsins. Þeir sátu í suður með marflata 11 punkta og austur opnaði á undan þeim á 2♥, veikum. Báðir sögðu auðvitað pass og vestur stökk í 4♥. Ekkert merkilegt við það. En svo dró til tíðinda – makker þeirra í norður sagði FIMM HJÖRTU!
„Það er bara svona,“ hugsuðu báðir: „Makker á einhverja rosalega tvílita sleggju með spaða og láglit. Þá er ekki verið slæmt að eiga ás-kóng í tígli og fjórlit í spaða.“ Brogeland sagði 6♥ og breytti svo 7♣ Christians Bakke í 7♠. Einn niður eftir hjartaásinn út. Zagorin tók líka vel við sér – stökk í 6♠, sem makker hans, Peter Bertheau, hækkaði í 7♠. Í þetta sinn var útspilið tígull og Zagorin notaði innkomuna til að spila spaðagosa og svína. Unnið spil og 20 stiga sveifla.