Þjóðminjasafnið fagnar þingsályktunartillögu um að gerðar verði nauðsynlegar ráðstafanir til að setja upp að nýju skjaldarmerki sem prýddu framhlið Alþingishússins á vígsludegi þess 1. júlí 1881. Verði tillagan samþykkt leggur safnið hins vegar til að skildirnir verði endurgerðir þar sem skjöldur með útflöttum þorski sé ekki varðveittur og þurfi því að styðjast við teikningar og ljósmyndir við endurgerð hans.
Í umsögn safnsins um tillöguna segir að tveir skildir frá Alþingishúsinu séu varðveittir í safninu, annar með upphleyptum fálka og hinn með þremur ljónum. Um skildinawdi þjóðminjavörður skrifað á sínum tíma að hann hafi látið taka þá ofan og flytja upp á loft í Safnahúsinu vorið 1911 „þar eð honum þóti óhæfa að hafa annan þeirra, sem er með ríkisskjaldarmerki Danmerkur, á Alþingishúsinu. Hafði áður borið á óánægju yfir þessum skjöldum, ekki síður hinum, sem er með skjaldarmerki Íslands, því að fyrrum, til 1903, var á honum þorskmerkið, sem margir höfðu ýmugust á: nú er á honum fálkamerkið.“
Til baka
Leita í greinasafni
Prenta grein