Norður
♠ 972
♥ G973
♦ Á96
♣ G85
Vestur
♠ D54
♥ D82
♦ 1053
♣ ÁK74
Austur
♠ K63
♥ 5
♦ G842
♣ D10963
Suður
♠ ÁG108
♥ ÁK1064
♦ KD7
♣ 2
Suður spilar 4♥.
Haraldur háfleygi var með annað spil frá Terence Reese, ekki alveg eins hátimbrað og það sem við sáum í gær en háreist eigi að síður. Samningurinn er 4♥ með laufás út. Sagnhafi trompar laufkóng í öðrum slag og tekur á hjartaás. En hvað svo?
Það virðist blasa við að þruma út hjartakóng líka, en Reese vill spila litlu hjarta, undan kóngnum! Fórna möguleikanum á að fella drottninguna fyrir tvísvíningu í spaða. Með orðum Halla: „Segjum að sagnhafi taki á hjartakóng og spili svo tígli á ás og spaða á gosann. Vestur fær á drottninguna, tekur á hjartadrottningu og spilar laufi. Suður trompar með síðasta trompinu heima og kemst ekki inn í borð til að svína aftur í spaða. Þessu má forða með því að spila litlu hjarta.“
„Snoturt.“ Óskar ugla kinkaði kolli. „Engin hjólhestaspyrna, en góð hælsending.“
„Óskar – fótboltinn er búinn.“
„Ég veit.“