Það er fallegt að vera með ljóst borðstofuborð í stíl við ljós loft og ljósar innréttingar. Það er einnig fallegt að hafa skinn á stólunum. Það gerir allt svo hlýlegt.
Það er fallegt að vera með ljóst borðstofuborð í stíl við ljós loft og ljósar innréttingar. Það er einnig fallegt að hafa skinn á stólunum. Það gerir allt svo hlýlegt.
Arkitektastofan L’Empreinte hannaði þetta fallega eldhús í Quebec í Kanada. Hér sést hvað það er fallegt að hafa svipaðan við í loftum og á borðplötum í eldhúsi.
Bastmottur skapa hlýleika inni á heimilum. Þessi er úr mottulínu Rutar Káradóttur og fást motturnar í Húsgagnahöllinni.
Grænn flauelssófi er alltaf góð hugmynd. Þessi er frá IKEA.
Ljós motta úr mottulínu Rutar Káradóttur. Hún fæst í Húsgagnahöllinni.
Þessi bastmotta fæst í Fakó.
Hér má sjá hangandi ljós með hvítum kúpli. Viðarfestingin að ofan er svipmikil. Ljósið fæst í Snúrunni.
Þessi lampi minnir á styttur sem einu sinni voru móðins og prýddu heimili landsmanna. Bert fólk í koparlit er komið aftur í tísku en hér í formi lampa sem fæst í Fakó.
Hér má sjá ljósa viðarinnréttingu úr IKEA. Eins og sést á þessari samsetningu er fallegt að mála veggina í ferskjulit.
[ Smellið til að sjá stærri mynd ]
Nýtt ár kallar á nýja strauma þegar kemur að heimilinu. 2023 kallar á ljósari liti og mýkt. Ljósar viðartegundir eiga upp á pallborðið og eru sífellt að verða vinsælli. Ljósar loftklæðninar og ljósar viðarborðplötur geta gert hvert heimili töluvert…

Nýtt ár kallar á nýja strauma þegar kemur að heimilinu. 2023 kallar á ljósari liti og mýkt. Ljósar viðartegundir eiga upp á pallborðið og eru sífellt að verða vinsælli. Ljósar loftklæðninar og ljósar viðarborðplötur geta gert hvert heimili töluvert hlýlegra en ef loftið væri skjannahvítt eða borðplötur úr plasti. Þú gætir haft þetta í huga ef þú ert að fara í endurbætur á heimilinu. Annars má splæsa í bastmottu eða mála veggina í grænum tónum og fá sér kringlóttar mottur til þess að fá inn nýja orku.