Norður
♠ 3
♥ 108764
♦ Á9652
♣ 53
Vestur
♠ 102
♥ K2
♦ K1083
♣ ÁD864
Austur
♠ KDG9865
♥ D
♦ G8
♣ G102
Suður
♠ Á74
♥ ÁG953
♦ D4
♣ K97
Suður spilar 4♥ dobluð.
Þegar Zia var ungur maður og árlegur gestur á bridshátíð átti hann það til að framlengja dvöl sína á landinu í nokkra daga. Ekki til að skoða Gullfoss og Geysi, heldur til að spila rúbertu upp á háa bit við stórhuga Íslendinga. Árið 1987 hélt hann á spilum norðurs með Þórarin Sigþórsson sem makker í suður.
Þórarinn opnaði á 1♥, vestur passaði og Zia svaraði á grandi! Austur kom inn á 2♠ – pass og pass til Zia, sem ítrekaði grandviljann með 2G!! Aftur barðist austur í 3♠ og nú fyrst tók Zia undir lit makkers, sagði 4♥. Dobl í vestur og spaðatían út. Þórarinn drap, trompaði spaða, fór heim á hjartaás og stakk aftur spaða. Sendi svo vestur inn á trompkóng og lagði upp.
„Átti Tóti ekki 85 ára afmæli um daginn?“
„Jú-jú, en hvað kemur það málinu við?“
„Ekkert, ég bara spurði.“