Norður
♠ D752
♥ KG9732
♦ KG2
♣ --
Vestur
♠ --
♥ 85
♦ 10
♣ ÁKD10986543
Austur
♠ 10983
♥ 104
♦ D9875
♣ G2
Suður
♠ ÁKG64
♥ ÁD6
♦ Á643
♣ 7
Suður spilar 7G dobluð.
Ef illa er stokkað verður gjöfin flöt. Þetta hafa menn lengi vitað. Því urðu nokkur þáttaskil í bridsheiminum þegar tölvan tók við mannshendinni sem gjafari – skiptingin varð villtari. „Þetta er í samræmi við lögmál tölfræðinnar,“ sögðu sérfræðingar og smátt og smátt vöndust spilarar þessari breytingu. En þó kom fyrir að ýmsum þótti nóg um.
Á bridshátíð 1990 tók tölvan upp á því að útdeila þremur efstu tíundu í laufi á einn spilara. Og ekki nóg með það, heldur átti sami spilari út gegn 7G á tveimur borðum! Það sem gerðist var í raun mjög skiljanlegt. Eftir opnun norðurs á 1♥ stýrði suður sögnum í 7♥ og vestur útspilsdoblaði út á eyðuna í spaða. Einhvern tíma í miðjum klíðum hafði norður sýnt fyrstu fyrirstöðu í laufi og suður tók sénsinn á því að sú fyrirstaða væri ásinn og reyndi 7G.