Vatnsdeigsbollur
300 ml vatn
100 g smjör
1 msk. sykur
150 g hveiti
4 stk. egg (pískuð)
Vanillukrem
250 ml rjómi frá Gott í matinn
250 ml mjólk
fræ úr einni vanillustöng
75 g sykur
3 msk. maíssterkja (maizenamjöl)
5 eggjarauður
3 msk. kalt smjör
Súkkulaðiganache
150 g gæðasúkkulaði að eigin vali
100 ml rjómi frá Gott í matinn
Fylling
500 ml rjómi frá Gott í matinn
fersk jarðarber
Vatnsdeigsbollur
Ofn hitaður í 190 gráður með blæstri. Setjið vatn, sykur og
smjör í pott við meðalhita og hleypið suðunni upp, sjóðið þar til
smjörið bráðnar.
Með pottinn ennþá á heitri hellunni – hellið hveitinu saman
við vökvann og hrærið kröftuglega með sleif þar til myndast
myndarleg slétt deigkúla og deigið losnar alveg frá köntunum.
Færið deigið yfir í hrærivélarskál og leyfið mesta hitanum að
rjúka úr, í u.þ.b. 10 mínútur. Gott að hræra aðeins í deiginu til að
flýta fyrir kólnun.
Pískið eggin saman í skál eða könnu. Kveikið á hrærivélinni
og hellið eggjablöndunni hægt og rólega saman við deigið og hrærið vel
inn á milli. Ef eggin eru mjög stór þarf kannski ekki að nota þau öll.
Deigið á að vera glansandi og ekki of þunnt. Gott viðmið er að þegar
sleif er stungið í deigið og lyft upp myndar deigið V sem lekur samt
ekki af sleifinni heldur hangir.
Deiginu er sprautað eða sett með skeið á plötu (magn af deigi í
hverja er bollu u.þ.b. 1 msk), bakið í 22 mínútur. Þessi uppskrift gefur
um 15 meðalstórar bollur.
Vanillukrem
Mjólk, rjómi og vanilla sett saman í pott og hituð alveg upp að suðu, ekki láta sjóða.
Sykur, maíssterkja og eggjarauður pískuð vel saman í stórri skál þar til ljóst og létt.
Heitri mjólkinni hellt mjög rólega saman við eggin og hrært vel á meðan.
Eggja- og mjólkurblöndunni svo hellt aftur í pottinn og hitað á meðalhita upp að suðu, hrært í allan tímann.
Þegar þið sjáið blönduna krauma aðeins slökkvið þá undir og takið
af hitanum. Hrærið köldu smjörinu saman við þar til alveg bráðnað.
Hellið vanillukreminu í sigti og þrýstið í gegn með skeið þar til
silkimjúkt. Setjið í skál og plastfilmu yfir þannig að filman snerti
vanillukremið. Kælið alveg.
Súkkulaðiganache
Saxið súkkulaðið og setjið í skál
Hitið rjómann að suðu og hellið yfir súkkulaðið.
Látið standa í 2-3 mínútur og hrærið svo saman þar til þið eruð komin með glansandi fallegt súkkulaðikrem.
Samsetning
Skerið vatnsdeigsbollu í tvennt.
Fyllið botninn með 1 msk. af vanillukremi.
Skerið fersk jarðarber í bita eða sneiðar og setjið ofan á vanillukremið og því næst þeyttan rjóma.
Lokið bollunni og toppið með súkkulaðiganache.
Njótið – njótið – njótið!