Nú hefur sólaruppkoman brotist yfir brún Bláfjalla. Þá léttist brún og tiltektartími hefst.
Ríkisskattstjóri er eins og aðrir í vorhreingerningum.
Hann segist í Lögbirtingarblaðinu krefjast skipta á 870 félögum sem ekki hafa sinnt skráningarsyldu sinni í samræmi við lög.
Haldi þeir hins vegar því háttalagi áfram mun ríkisskattstjóri krefjast skiptingar á þeim fyrir héraðsdómi eða slíta þeim eftir sérstökum málsmeðferðarreglum.
Er álitamál hvort sé verra.
Eins og nærri má geta kennir þarna margra grasa, og sum þeirra koma kunnuglega fyrir sjónir:
Þarna eru Andansmenn, Félag um nýja sjávarútvegsstefnu, Fjölmiðlasambandið og Kjördæmisráð Framsóknarflokksins á Reykjanesi.
Einnig Reykjavíkurlistinn, Samtök um kvennalista, Torfusamtökin, Björt framtíð, Samstaða um óháð Ísland og loks Hollvinir Ríkisútvarpsins.
Ekki kæmi á óvart þótt vænta mætti tilfinningaríkra minningarathafna víða.