Norður
♠ D
♥ D1032
♦ KD10642
♣ D5
Vestur
♠ K9853
♥ 765
♦ G875
♣ 3
Austur
♠ 7642
♥ G4
♦ Á93
♣ G1087
Suður
♠ ÁG10
♥ ÁK98
♦ --
♣ ÁK9642
Suður spilar 7♥.
Áður en lengra er haldið: Kemur lesandinn auga á vinningsleið í 7♥ með trompi út?
Spilið er frá netæfingu landsliðsparanna í síðustu viku. Alslemma í hjarta var sögð á tveimur borðum og fór niður í báðum tilfellum. Sagnhafarnir tveir spiluðu beint af augum: trompuðu ♠G10 í borði og treystu svo á 3-2-legu í laufi. En til er önnur leið sem sannarlega skilar 13 slögum. Sagnhafi trompsvínar blint fyrir ♠K og losar sig við laufhund úr borði. Trompar næst hinn spaðann, tekur ♣D og eitt tromp í viðbót. Spilar svo litlu laufi og trompar. Stingur loks tígul heim, tekur síðasta tromp vesturs og slagina á frílaufin. Samkvæmt lauslegum útreikningum Óskars uglu gefur spilamennska landsliðsmannanna um það bil 60% vinningslíkur, en leiðin sem virkar er aðeins 35% líkleg til árangurs. „Sem vekur ýmsar spurningar,“ segir Óskar.