Höskuldur Daði Magnússon
hdm@mbl.is
Um 2.500 hundar eru nú skráðir í Reykjavík og hefur þeim fjölgað umtalsvert síðustu tvö árin. Bæði hefur hundum fjölgað, ekki síst á tímum kórónuveirunnar, og fleiri hafa einnig skráð hunda sína eftir að reglum þar um var breytt.
„Nú eru skráðir 2.460 hundar í Reykjavík, en voru um 2.000 þegar yfirfærslan átti sér stað vorið 2021. Í störfum okkar höfum við hins vegar orðið vör við mikla fjölgun hunda í borginni og erum meðvituð um að alltof lítill hluti þeirra er skráður, enda berast okkur ábendingar um óskráða hunda oft í hverri viku,“ segir Þorkell Heiðarsson, deildarstjóri Dýraþjónustu Reykjavíkurborgar. Yfirfærslan sem hann vísar til er þegar Dýraþjónustan tók við málaflokknum af heilbrigðiseftirliti borgarinnar.
Í fjölmiðlum í Bretlandi hefur verið fjallað um mikla fjölgun hunda, ekki síst þegar útgöngubann var í gildi á tímum kórónuveirunnar. Hermt er að um 13 milljónir hunda séu nú í Bretlandi, samanborið við 7,6 milljónir árið 2012. Samfara þessari aukningu hefur árásum hunda á menn fjölgað til muna og nýlega létust tveir eftir slíkar árásir. The Times greinir frá því að næstum níu þúsund manns þurfi að leggjast inn á spítala í Bretlandi ár hvert eftir alvarleg hundsbit.
Ekki eru til nákvæmar tölur um innlagnir vegna hundsbita hjá Landspítalanum. Í svari við fyrirspurn Morgunblaðsins kemur fram að sex innlagnir vegna hundsbits hafi fundist í kerfi spítalans á árunum 2008-2022, flestar á barnadeild. „Aftur á móti er fyrirvari um gæði skráningar því vissulega gæti einhver lagst inn vegna sárs – sýkingar – annars án þess að greining um hundsbit hafi fylgt með i sjúkraskrá,“ segir í svarinu. Þar segir jafnframt að ekki sé heldur hægt að taka saman nákvæmar tölur yfir einstaklinga sem leita til bráðadeildar og leggist hugsanlega inn í kjölfarið vegna hundsbits þar sem slysaskráningarkerfið bjóði ekki upp á slíka greiningu.
Höskuldur Daði Magnússon
hdm@mbl.is
Um 2.500 hundar eru nú skráðir í Reykjavík og hefur þeim fjölgað umtalsvert síðustu tvö árin. Bæði hefur hundum fjölgað, ekki síst á tímum kórónuveirunnar, en fleiri hafa einnig skráð hunda sína eftir að reglum þar um var breytt.
„Nú eru skráðir 2.460 hundar í Reykjavík, en voru um 2.000 þegar yfirfærslan átti sér stað vorið 2021. Í störfum okkar höfum við hins vegar orðið vör við mikla fjölgun hunda í borginni og erum meðvituð um að alltof lítill hluti þeirra er skráður, enda berast okkur ábendingar um óskráða hunda oft í hverri viku,“ segir Þorkell Heiðarsson, deildarstjóri Dýraþjónustu Reykjavíkurborgar. Yfirfærslan sem hann vísar til er þegar Dýraþjónustan tók við málaflokknum af heilbrigðiseftirliti borgarinnar.
Í fjölmiðlum í Bretlandi hefur verið fjallað um mikla fjölgun hunda, ekki síst þegar útgöngubann var í gildi á tímum kórónuveirunnar. Hermt er að um 13 milljónir hunda séu nú í Bretlandi samanborið við 7,6 milljónir árið 2012. Samfara þessari aukningu hefur árásum hunda á menn fjölgað til muna og nýlega létust tveir eftir slíkar árásir. The Times greinir frá því að næstum níu þúsund manns þurfi að leggjast inn á spítala í Bretlandi ár hvert eftir alvarleg hundsbit.
Ekki eru til nákvæmar tölur um innlagnir vegna hundsbita hjá Landspítalanum. Í svari við fyrirspurn Morgunblaðsins kemur fram að sex innlagnir vegna hundsbits hafi fundist í kerfi spítalans á árunum 2008-2022, flestar á barnadeild. „Aftur á móti er fyrirvari um gæði skráningar því vissulega gæti einhver lagst inn vegna sárs – sýkingar – annars án þess að greining um hundsbit hafi fylgt með i sjúkraskrá,“ segir í svarinu. Þar segir jafnframt að ekki sé heldur hægt að taka saman nákvæmar tölur yfir einstaklinga sem leita til bráðadeildar og leggist hugsanlega inn í kjölfarið vegna hundsbits þar sem slysaskráningarkerfið bjóði ekki upp á slíka greiningu.
Til baka
Leita í greinasafni
Prenta grein