Messur

AKUREYRARKIRKJA | Æskulýðsmótsmessa kl. 11. Einsöngur María Björk Jónsdóttir og Lára Ósk Hlynsdóttir. Eyþór Ingi Jónsson leiðir söng. Prestar eru Erla Björk Jónsdóttir og Sigríður Rún Tryggvadóttir. Sunnudagaskólakrakkar eru velkomnir.

ÁRBÆJARKIRKJA | Guðsþjónusta kl. 11. Sr. Þór Haukssn þjónar fyrir altari og predikar. Kór Árbæjarkirkju leiðir sönginn, organisti er Krisztina Kalló Sklenár. Sunnudagaskólinn er á sama tíma í safnaðarheimilinu í umsjá Andreu Önnu Arnardóttur, Thelmu Rósar Arnardóttur og Sigurðar Óla Karlssonar. Kaffi og spjall eftir stundina.

ÁSKIRKJA | Messa og barnastarf kl. 13. Skírn í messunni. Líf og fjör í sunnudagaskólanum hjá Emmu og Þorsteini. Sr. Sigurður Jónsson þjónar fyrir altari og Þorgils Hlynur Þorbergsson guðfræðingur predikar. Kór Áskirkju syngur. Organisti er Bjartur Logi Guðnason. Kirkjukaffi í Ási eftir messu.

Ástjarnarkirkja | Messa sunnudag klukkan 17. Sr. Bolli Pétur Bollason predikar, Erla Rut Káradóttir organisti leiðir safnaðarsöng og Inga Rut Hlöðversdóttir kirkjuvörður býður svo öllum kirkjugestum máltíð að kostnaðarlausu að lokinni messunni.

BESSASTAÐASÓKN | Sunnudagaskóli kl. 11 í Brekkuskógum 1. Umsjón með stundinni hafa Sigrún Ósk, Þórarinn og Þórey María.

BREIÐHOLTSKIRKJA | Hátíðarmessa kl. 11 í tilefni 35 ára vígsluafmælis Breiðholtskirkju. Prestar og djákni Breiðholtsprestakalls þjóna fyrir altari og biskup Íslands predikar. Örn Magnússon leiðir tónlistina ásamt kór Breiðholtskirkju. Léttar veitingar eftir messu.

BÚSTAÐAKIRKJA | Barnamessa kl. 11. Skólahljómsveit Austurbæjar, B-sveitin, mun leika, stjórnandi er Snorri Heimisson. Antónía Hevesí leikur á flygil. Sólveig Franklínsdóttir æskulýðsfulltrúi leiðir stundina ásamt sr. Þorvaldi Víðissyni og leiðtogum. Guðþjónusta kl. 13. Davíð og Golíat og aðrir klassískir textar lesnir. Antonía Hevesi og félagar úr Kammerkór Bústaðakirkju. Sr. Þorvaldur Víðisson predikar og þjónar fyrir altari ásamt messuþjónum.

DIGRANESKIRKJA | Guðsþjónusta kl. 11. Sr. Sigurjón Árni Eyjólfsson þjónar. Vinir Digraneskirkju leiða safnaðarsöng. Leiðtogar sunnudagaskólans þau Ásdís, Hálfdán og Sara halda uppi stuðinu í sunnudagaskólanum. Súpa eftir stundina.

DÓMKIRKJAN | Messa klukkan 11. Prestur er Elínborg Sturludóttir, Guðmundur Sigurðsson er organisti og Dómkórinn syngur.

EGILSSTAÐAKIRKJA | Sunnudagaskólinn í Safnaðarheimilinu kl. 10.30. Tónlistarmessa í kirkjunni kl. 20. Söngnemar koma fram undir stjórn Hlínar Pétursdóttur Behrens. Kór Egilsstaðakirkju. Organisti er Sándor Kerekes. Guðsþjónusta á Hjúkrunarheimilinu Dyngju kl. 17. Prestur er Þorgeir Arason. Kaffisopi í lokin.

FELLA- og Hólakirkja | Messa kl. 17. Sr. Ása Laufey Sæmundsdóttir þjónar fyrir altari og predikar. Arnhildur Valgarðsdóttir leiðir tónlistina ásamt félögum úr kór Fella- og Hólakirkju. Kókoskúlugerð í barnastarfinu í safnaðarheimilinu á sama tíma.

FRIÐRIKSKAPELLA | Messa sunnudag kl. 11. Sakarías Ingólfsson predikar og þjónar fyrir altari. Kaffi og meðlæti eftir messu.

FRÍKIRKJAN Reykjavík | Fjölskylduguðsþjónusta sunnudag kl. 14. Dr. Sigurvin Lárus Jónsson, prestur Fríkirkjunnar, leiðir stundina. Barnakórinn við Tjörnina syngur undir stjórn Álfheiðar Björgvinsdóttur. Hljómsveitin Mantra og Sönghópurinn við Tjörnina leiða sönginn ásamt Gunnari Gunnarssyni, organista.

GRAFARVOGSKIRKJA | Guðsþjónusta sunnudag kl. 11. Sr. Arna Ýrr Sigurðardóttir þjónar. Kór Grafarvogskirkju leiðir söng. Organisti er Lára Bryndís Eggertsdóttir. Sunnudagaskóli er á sama tíma á neðri hæð kirkjunnar. Umsjón hefur Ásta Jóhanna Harðardóttir. Undirleikari er Stefán Birkisson. Vörðumessa kl. 13 í Kirkjuselinu í Spöng. Sr. Arna Ýrr Sigurðardóttir þjónar. Vox Populi leiðir söng. Organisti er Lára Bryndís Eggertsdóttir.

GRENSÁSKIRKJA | Messa kl. 11. Sr. María G. Ágústsdóttir þjónar ásamt messuhópi, Ástu Haraldsdóttur kantor og Kirkjukór Grensáskirkju. Eftir messu er fundur með fermingarfjölskyldum Fossvogsprestakalls. Þriðjudagur: Kyrrðarstund kl. 12. Fimmtudagur: Núvitund kl. 18.15-18.45, einnig á netinu.

GRUND dvalar- og hjúkrunarheimili | Guðsþjónusta sunnudag kl. 14 í hátíðasal Grundar. Prestur er Auður Inga Einarsdóttir heimilisprestur. Félagar úr Grundarkórnum leiða söng undir stjórn Kristínar Waage organsta.

GUÐRÍÐARKIRKJA í Grafarholti | Guðsþjónusta sunnudag kl. 11. Prestur er María Rut Baldursdóttir sem þjónar fyrir altari og predikar. Kór Guðríðarkirkju syngur og leiðir söng undir stjórn Arnhildar Valgarsdóttur organista. Kirkjuvörður er Lovísa Guðmundsdóttir. Sunnudgaskólinn á sínum stað í umsjá Ingunar Huldu Sævarsdóttur og Helga Hannessonar. Kaffi og djús í boði eftir messuna.

HAFNARFJARÐARKIRKJA | Messa með altarisgöngu kl. 11. Sr. Sighvatur Karlsson þjónar. Kári Þormar sér um tónlistina ásamt félögum úr Barbörukórnum. Sunnudagaskóli á sama tíma í safnaðarheimilinu.

HALLGRÍMSKIRKJA | Messa og barnastarf kl. 11. Þriðji sunnudagur í föstu. Prestur er Sigurður Árni Þórðarson. Messuþjónar aðstoða. Félagar í Kór Hallgrímskirkju syngja. Organisti er Björn Steinar Sólbergsson. Barnastarfið er í umsjá Kristnýjar Rósar Gústafsdóttur og Ragnheiðar Bjarnadóttur.

HÁTEIGSKIRKJA | Messa kl. 11. Sr. Helga Soffía Konráðsdóttir predikar og þjónar fyrir altari. Valskórinn syngur undir stjórn Báru Grímsdóttur. Organisti er Guðný Einarsdóttir. Heitt á könnunni og djús að messu lokinni.

HJALLAKIRKJA Kópavogi | Guðsþjónusta sunnudag kl. 17. Sr. Sigurjón Árni Eyjólfsson þjónar fyrir altari og predikar í guðsþjónustunni. Matthías V. Baldursson sér um tónlistina ásamt kórnum Vox Gospel.

HVÍTASUNNUKIRKJAN Fíladelfía | Samkoma kl. 11. Service. Translation into English. Samkoma á ensku kl. 14. English speaking service. Samkoma á spænsku kl. 16. Reuniónes en español. 60+ starfið í Fíladelfíu. Samvera annan hvern fimmtudag. Matur, hugvekja, söngur, allir 60 ára og eldri velkomnir.

KEFLAVÍKURKIRKJA | Fjölskyldumessa sunnudag kl. 11. Marín, Helga og Grybos taka vel á móti krökkunum. Sr. Fritz Már þjónar fyrir altari. Regnbogaraddir, barnakór Keflavíkurkirkju, flytur okkur lifandi tónlist. Súpa í Kirkjulundi eftir messuna.

KIRKJA HEYRNARLAUSRA | Messa í Grensáskirkju 12. mars kl. 14. Táknmálskórinn syngur undir stjórn Eyrúnar Ólafsdóttur. Sr. Kristín Pálsdóttir predikar og þjónar fyrir altari. Kaffi eftir messu.

KIRKJUSELIÐ Í SPÖNG | Vörðumessa kl. 13. Við deilum sögum og hlöðum vörður. Kertaljósastund og heilög máltíð. Sr. Arna Ýrr Sigurðardóttir þjónar. Vox Populi leiðir söng. Organisti er Lára Bryndís Eggertsdóttir.

KÓPAVOGSKIRKJA | Messa kl. 11. Sr. Grétar Halldór Gunnarsson predikar og þjónar fyrir altari. Félagar úr kór Kópavogskirkju syngja undir stjórn Lenku Mátéová, organista. Gengið verður til altaris. Sunnudagaskólinn á sama tíma í safnaðarheimilinu Borgum.

KVENNAKIRKJAN | Guðþjónusta í húsnæði Kvennakirkjunnar í Þingholtsstræti 17. Sr. Auður Eir Vilhjálmsdóttir predikar. Aðalheiður Þorsteinsdóttir spilar á hljóðfæri og Anna Sigríður Helgadóttir syngur einsöng. Messukaffi á eftir.

LANGHOLTSKIRKJA | Messa og sunnudagaskóli kl. 11. Guðbjörg Jóhannesdóttir sóknarprestur þjónar ásamt Magnúsi Ragnarssyni organista og Söru Grímsdóttur söngkonu sem leiðir sunnudagaskólann. Góðir grannar syngja við messuna undir stjórn Eglis Gunnarssonar. Léttur hádegisverður í safnaðarheimilinu að messu lokinni.

LINDAKIRKJA í Kópavogi | Sunnudagaskóli kl. 11. Guðsþjónusta kl. 20. Kór Lindakirkju leiðir lofgjörð undir stjórn Óskars Einarssonar. Sr. Guðmundur Karl Brynjarsson þjónar.

MOSFELLSPRESTAKALL| Messa með þátttöku fermingarbarna kl. 11 í Lágafellskirkju. Fermingarbörn taka virkan þátt með lestri og flytja hugleiðingu ásamt prestum. Kirkjukór og fermingarbörn leiða söng undir stjórn Sigrúnar Steingrímsdóttur organista. Meðhjálpari: Andrea Gréta Axelsdóttir. KirkjuBRALL kl. 13 - 15 í safnaðarheimilinu, Þverholti 3. Fjölskylduvæn samvera með föndri, leik, smur(brauðstöð) og hvíldarstöð. Samverunni lýkur með máltíð.

MÖRK KAPELLA| Guðsþjónusta sunnudag kl. 16 í kapellu Markar. Prestur er Auður Inga Einarsdóttir heimilisprestur. Félagar úr Markarkórnum leiða söng undir stjórn Kristínar Waage organsta.

NESKIRKJA | Messa og barnastarf kl. 11. Sameiginlegt upphaf. Félagar úr Kór Neskirkju leiða safnaðarsöng. Organisti er Steingrímur Þórhallsson. Prestur er Skúli S. Ólafsson. Söngur, sögur, leikir og gleði í sunnudagaskólanum. Umsjón Kristrún Guðmundsdóttir og Ari Agnarsson. Kaffisopi eftir messu á Torginu.

NJARÐVÍKURKIRKJA Innri-Njarðvík | Fermingarguðþjónustur sunnudag kl. 10.30 og 13.30. Vegna takmarkaðs sætapláss verður streymt frá athöfnunum. Nánar á heimasíðu kirkjunnar: Njardvikurkirkja.is

ÓHÁÐI SÖFNUÐURINN | Galdramessa sunnudag kl. 14 og á eftir verður veglegt kaffihlaðborð til styrktar Bjargarsjóði. Séra Pétur þjónar fyrir altari, Óháði kórinn syngur lög eftir Enyu, Þórður Sigurðarson töfrar fram tóna á flygilinn ásamt Kristjáni organista á Hammondinn og töframaður mætir á svæðið. Kaffið kostar 2000 kr. fyrir fullorðna og 1000 kr. fyrir börn eldri en 12 ára. Ath. ekki er posi til staðar.

SANDGERÐISKIRKJA | Æskulýðsmessa kl. 17. Skólakórinn syngur. Börn og unglingar taka þátt.

SELJAKIRKJA | Barnaguðsþjónusta kl. 11, Siggi Már og Bára leiða stundina. Tómas Guðni spilar á píanóið. Guðsþjónusta kl. 13, sr. Sigurður Már Hannesson predikar og þjónar fyrir altari og félagar úr kór Seljakirkju leiða safnaðarsöng. Organisti er Tómas Guðni Eggertsson.

SELTJARNARNESKIRKJA | Fræðslumorgunn kl. 10. Kynning á Skjólinu - opið hús fyrir konur. Rósa Björg Brynjarsdóttir, umsjónarkona Skjólsins, talar. Guðsþjónusta og sunnudagaskóli kl. 11. Sóknarprestur þjónar. Organisti kirkjunnar leikur á orgelið. Félagar úr Kammerkórnum syngja. Kaffiveitingar eftir athöfn í safnaðarheimilinu. Þriðjudaginn 14. mars verða tónleikarnir Bach fyrir fólkið kl. 17. Gunnar Kvaran leikur á selló og Haukur Guðlaugsson leikur á píanó. Morgunkaffi kl. 9 á miðvikudag og kyrrðarstund kl. 12.

ÚTSKÁLAKIRKJA | Æskulýðsmessa kl. 14. Skólakórinn og skólahljómsveit annast tónlistina.

VÍDALÍNSKIRKJA | Sunnudagaskólinn í Urriðaholtsskóla kl. 10. Sr. Matthildur og Ingvar stýra stundinni. Sunnudagaskóli og messa í Vídalínskirkju kl. 11. Sr. Guðrún Eggerts Þórudóttir þjónar. Félagar í kór Vídalínskirkju syngja og organisti er Jóhann Baldvinsson. Ingibjörg Hrönn og Ingvar sjá um sunnudagaskólann. Messukaffi að loknum athöfnum. Tónlist og íhugun í Vídalínskirkju kl. 17. Ragnheiður Gröndal og Guðmundur Pétursson sjá um tónlistarflutning. Sr. Matthildur leiðir stundina og flytur hugvekju.

VÍÐISTAÐAKIRKJA í Hafnarfirði | Sunnudagaskóli kl. 10. Fjölbreytt og fræðandi stund í umsjá Benna og Dísu. Guðsþjónusta kl. 11. Kirkjuferð Frímúrarastúkunnar Hamars. Bjarni Atlason og Benedikt Sigurðsson syngja einsöng og félagar úr Drengjakór Hamars leiða almennan söng undir stjórn Sveins Arnars Sæmundssonar organista. Sr. Dagur Fannar Magnússon predikar og sr. Bragi J. Ingibergsson þjóna með aðstoð Hamarsbræðra. Messukaffi á eftir í boði Hamars að Ljósatröð Hafnarfirði.

YTRI-NJARÐVÍKURKIRKJA | Sunnudagaskólinn í kirkjunni k. 12.30. Söngur og sögur. Djús og kex á eftir.