Sjúkratryggingar Íslands hafa valið tilboð frá heilbrigðisfyrirtækjunum Cosan slf. og Klínikinni slf. í liðskiptaaðgerðir hér á landi. Gera á 700 slíkar aðgerðir á þessu ári. Tilboð fyrirtækjanna voru metin hagstæðust en alls bárust fjögur tilboð, hin tvö frá Ledplastikcentrum og Stoðkerfi ehf.
Samkvæmt frétt á vef Sjúkratrygginga munu aðgerðirnar skiptast þannig að fyrirtækin hvort um sig taka að sér 100 aðgerðir á mjöðm, Cosan 300 aðgerðir á hné og Klíníkin 200 hnjáaðgerðir, en heimilt var að bjóða í hvorn flokk fyrir sig. Þann 9. mars tilkynntu Sjúkratryggingar bjóðendum um val tilboða í liðskiptaaðgerðir sem auglýstar voru 17. febrúar sl. Áætlun Sjúkratrygginga var upp á rúma 1,3 milljarða króna í mjaðmaaðgerðir og rúman 1,1 milljarð í liðskipti á hnjám.
Tilboði Klíníkurinnar var tekið í þann fjölda aðgerða sem fyrirtækið, sem átti lægst tilboð, bauð ekki í. Því reyndi ekki á skiptingu aðgerða samkvæmt skilmálum í auglýsingu um útboðið.
Til baka
Leita í greinasafni
Prenta grein