Norður
♠ KD2
♥ KDG
♦ G65
♣ 7653
Vestur
♠ G10943
♥ 1097
♦ D102
♣ K10
Austur
♠ 865
♥ 6532
♦ K94
♣ Á42
Suður
♠ Á7
♥ Á84
♦ Á873
♣ DG98
Suður spilar 3G.
Tölfræðireglan um „takmarkað val“ kemur víða við sögu í úrspilinu. Hér er nýlegt dæmi frá úrslitaleik Vanderbilt – 3G með spaðagosa út.
Sagnhafi drepur í blindum og spilar laufi á gosa og kóng. Fær næsta slag á spaðaás, fer inn í borð á hjarta og spilar laufi í annað sinn. Austur lét tvistinn í fyrra laufið og fylgir nú með fjarka. Hvað á að gera – svína níunni eða fara upp með drottningu?
Spurninguna mætti orða á annan hátt: Hvort er líklegra að vestur hafi byrjað með ♣K10 eða ♣ÁK? Hið fyrrnefnda er tvöfalt sennilegra, segir reglan, því með ♣ÁK getur vestur tekið fyrri slaginn HVORT HELDUR heldur með kóng eða ás, en með ♣K10 VERÐUR hann að drepa á kóng. Val hans er takmarkað.
Það er svo annað mál að Steve Garner svínaði níunni og fór niður, kannski af því hann óttaðist ♣Á1042 í austur.