Tónleikar og dass af vangaveltum

Söngvaskáldið Svavar Knútur býður til kvöldvöku annað kvöld, 24. mars, kl. 20 á sögulofti Landnámssetursins.

Í tilkynningu segir að ekki sé „laust við að gæti nokkurrar tilhlökkunar hjá Svavari að rifja upp kynnin við Borgnesinga og nærsveitunga og hin frábæru salarkynni Landnáms[s]eturs, sem eru kjörin fyrir sögustundir og alþýðusöngva hvers konar“.

Þar segir að á boðstólum verði blönduð dagskrá af frumsaminni tónlist, sígildum íslenskum sönglögum, sögum og „dassi af vangaveltum eins og Svavari Knúti er tamt“. Miða má finna á tix.is en ókeypis er fyrir börn.