Norður ♠ KG954 ♥ 7 ♦ ÁD3 ♣ KG82 Vestur ♠ – ♥ DG1086543 ♦ K98 ♣ 105 Austur ♠ Á10876 ♥ 92 ♦ 76 ♣ D943 Suður ♠ D32 ♥ ÁK ♦ G10542 ♣ Á76 Suður spilar 6G dobluð

Norður

♠ KG954

♥ 7

♦ ÁD3

♣ KG82

Vestur

♠ –

♥ DG1086543

♦ K98

♣ 105

Austur

♠ Á10876

♥ 92

♦ 76

♣ D943

Suður

♠ D32

♥ ÁK

♦ G10542

♣ Á76

Suður spilar 6G dobluð.

Hermann Friðriksson opnaði venju samkvæmt á 15-17 punkta grandi með 14 punkta. Vestur hindraði í 3♥ og Karl G. Karlsson í norður sagði 4♥, án þess að það væri svo sem nákvæmlega á hreinu hvað sú sögn þýddi.

„Svona byrjaði þetta,“ útskýrir Óskar ugla, sem hafði hitt Hemma á förnum vegi og notað tækifærið til að spyrja út í sagnir. Hemmi sagði 4♠ á þrílitinn, Kalli spurði um lykilspil og sagði 6♠ þegar hann fékk upp tvo ása og spaðadrottningu. Austur hafði þagað þunnu hljóði fram að þessu en brast nú þolinmæðin og doblaði, enda „þekkt stærð“ að Kalli og Hemmi eru grimmir í slemmunum.

Og lífsreyndir. Hemmi breytti í 6G, sem austur varð að dobla líka, sjálfsvirðingar sinnar vegna. Spilamennskan gekk hratt fyrir sig. Hemmi svínaði fyrir tígulkóng, sótti tvo slagi á spaða og pinnaði svo laufdrottninguna í þvingaðri endastöðu. Tólf slagir.