Sjöfn Þórðardóttir, sem hélt úti sjónvarpsþættinum Matur og heimili á sjónvarpsstöðinni Hringbraut og hefur skrifað um mat um árabil, hefur verið ráðin til starfa á mbl.is og Morgunblaðið.
Sjöfn er grunnskólakennari að mennt og hefur síðustu 30 ár starfað í fjölmiðlum, verið verkefnastjóri og almannatengill. Sjöfn mun hafa umsjón með matarvef mbl.is.
„Ég er full tilhlökkunar að koma til starfa á öflugasta miðli landsins og halda áfram að þróa og byggja upp þann kröftuga og góða grunn sem fyrir er á Morgunblaðinu í tengslum við matarvef mbl.is. Þessu fylgir tilhlökkun og eftirvænting að fá að starfa áfram á þeim vettvangi sem ég brenn fyrir og þar sem ástríðan mín liggur og gera enn betur.“
Morgunblaðið og mbl.is býður Sjöfn velkomna til starfa.
Til baka
Leita í greinasafni
Prenta grein