Norður
♠ 3
♥ K9652
♦ 42
♣ KG872
Vestur
♠ D2
♥ D103
♦ ÁKG1097
♣ Á3
Austur
♠ 1085
♥ 876
♦ 8653
♣ D109
Suður
♠ ÁKG9764
♥ ÁG
♦ D
♣ 654
Suður spilar 4♠.
Tvær áætlanir koma til greina í 4♠ og leiðir önnur til vinnings, hin til taps. Spilið er frá fyrstu umferð Norðurlandamótsins í Örebro og yfirleitt hóf vestur vörnina með tígulás og -kóng.
Vinningsleiðin: Taka ♠ÁK. Ef drottningin fellur ekki er planið að fría hjartað með ás-kóng og stungu og hitta svo í laufið. Hér fellur drottningin önnur og þá er framhaldið spurning um yfirslag.
Tapleiðin: Fara inn í borð á hjartakóng og svína spaðagosa. Það er besta íferðin í litinn, enda drottningin líklegri til að vera þriðja í austur en önnur í vestur. En á móti kemur að aukasénsinn er enginn.
Hvor leiðin er betri? Ekki gott að segja, en af þeim níu sagnhöfum sem spiluðu 4♠ (í opnum flokki og kvennaflokki) fóru sex niður. Það segir kannski einhverja sögu.