Heidi vinnur verk sín með nálaþæfingu. Fuglar hafa lengi verið henni hugleiknir.
Heidi vinnur verk sín með nálaþæfingu. Fuglar hafa lengi verið henni hugleiknir.
Heidi Strand opnar sýningu á textílverkum sínum í Listhúsi Ófeigs á Skólavörðustíg í dag, föstudag, kl. 14-16. „Heidi Strand er fædd í Noregi, en hefur búið á Íslandi frá því um tvítugt. Hún var í listnámi í Noregi og náði þar fljótt góðum tökum á textíl af ýmsu tagi

Heidi Strand opnar sýningu á textílverkum sínum í Listhúsi Ófeigs á Skólavörðustíg í dag, föstudag, kl. 14-16. „Heidi Strand er fædd í Noregi, en hefur búið á Íslandi frá því um tvítugt. Hún var í listnámi í Noregi og náði þar fljótt góðum tökum á textíl af ýmsu tagi. Hún hélt sína fyrstu einkasýningu í Ásmundarsal árið 1982. Síðan þá hefur hún haldið einkasýningar á Norðurlöndum öllum og er sýningin í Listhúsi Ófeigs sú 29. í röðinni.

Heidi hefur einnig tekið þátt í fjölmörgum sam- og farandsýningum bæði í Evrópu, Bandaríkjunum og Japan, þar sem alþjóðlegar dómnefndir velja verkin, og hafa sumar þessara sýninga farið víða um,“ segir í tilkynningu.

Sýningin, sem stendur til 28. júní, er opin virka daga kl. 10-18 og laugardaga kl. 11-16. Aðgangur er ókeypis.