Norður
♠ 732
♥ DG10872
♦ 94
♣ D6
Vestur
♠ 96
♥ 4
♦ K752
♣ G109852
Austur
♠ DG54
♥ K
♦ DG108
♣ K743
Suður
♠ ÁK108
♥ Á9653
♦ Á63
♣ Á
Suður spilar 6♥.
Aðalsteinn Jörgensen var fenginn því að fá út laufgosann gegn 6♥ frekar en tígul. Skiljanlega. Eftir lauf út hefur sagnhafi ráð á að gefa vörninni slag á spaða svo framarlega sem fjórði spaðinn fríast. En með tígli út verður austur að gera svo vel að eiga litlu hjónin í spaða. Spilið er frá lokadegi Norðurlandamótsins í Örebro.
Aðalsteinn tók nokkra slagi á hjarta og spilaði svo spaða úr borði að ♠ÁK108. Þegar Daninn Rico Hemberg fylgdi fumlaust með smáspili fór Aðalsteinn upp með ás og lagði svo niður spaðakóng næst í þeirri viðleitni að veiða háspil annað í vestur. Það var ekki leiðin til lífsins og nú hlaut vörnin að fá slag á spaða og tígul. Á hinu borðinu hitti Matthías Þorvaldsson á „besta“ útspilið – tígul frá kóngnum. Christian Lahrmann gat þá ekki annað en tekið djúpsvíninguna í spaða og unnið sitt spil.