Norður
♠ 7
♥ ÁK1032
♦ Á542
♣ 753
Vestur
♠ 1093
♥ D7
♦ KD863
♣ ÁD4
Austur
♠ KD62
♥ G964
♦ G10
♣ KG6
Suður
♠ ÁG854
♥ 85
♦ 97
♣ 10982
Suður spilar 2♠.
Á kerfiskorti Dananna Lahrmanns og Plejdrups segir að þó svo að opnun þeirra á veikum tveimur geti verið byggð á fimmlit þá sé hún í grundvallaratriðum „heilbrigð“. En hvað er heilbrigt og óheilbrigt þegar sagnir eiga í hlut? Hlýtur það ekki alltaf að vera „smagssag“?
Christian Lahrmann leit svo á að suðurhöndin væri nógu hraust til að standa undir opnun á 2♠. Þetta var í síðari leik við Ísland á Norðurlandamótinu þar sem allt gekk Dönum í hag og þar á meðal þetta spil. Hvorki Matthías Gísli Þorvaldsson í vestur né Birkir Jón Jónsson í austur gátu með góðri samvisku blandað sér í sagnir og innheimtu 150-kall fyrir þrjá niður í ódobluðu spili. Ekki alvont kannski, nema fyrir þá staðreynd að 3G vinnast auðveldlega í AV og þar enduðu Danir á hinu borðinu eftir heilsusamlegt pass suðurs í byrjun.