Huggulegheit í hjarta Skandinavíu – Upplifðu norska drauminn!

Ósló er heilsársáfangastaður hjá Icelandair og þangað er flogið beint alla daga vikunnar, allan ársins hring. Ósló er höfuðborg Noregs og er tilvalinn upphafspunktur fyrir ferðalag um landið. Hún stendur við Óslóarfjörð, umkringd ótrúlegri náttúrufegurð. Falleg hverfi, stórfenglegar skíðabrekkur, framúrskarandi matargerð og einstök náttúrufegurð í næsta nágrenni gleðja bæði augu, bragðlauka og sálartetrið.

Noregur er meira en bara Ósló

Þótt auðvelt sé að slaka á í Ósló á hvaða tíma árs sem er þá eru vorin og sumrin þegar allt er í blóma sérstaklega indæl. Norðmenn jafnt sem ferðamenn hópast í almenningsgarða og á útikaffihús til að njóta lífsins og sólarinnar. Löng helgi í Ósló er fullkominn ferðatími til að skoða allt það besta sem borgin hefur upp á að bjóða og valsa þar um. Það er einnig tilvalið að fara í dagsferð og aka norður á bóginn, þræða bláa og nánast endalausa firði, aka um skógi vaxnar fjallshlíðar og yfir straumharðar ár, sem flestar eru iðandi af laxi og silungi. Norðmenn eru einstaklega iðnir og mikið fyrir útiveru í náttúrunni. Það er fátt jafn norskt og setningin „ut på tur aldri sur“ og á hún alltaf jafn vel við. Heimsæktu Noreg í hjarta Skandinavíu.

Fallegur sumardagur í Ósló

Ættirðu að bóka flug til Óslóar? Já. Án þess að hika. Fallegur sumardagur í Ósló er hrein unun. Sólin er björt. Alls kyns kaffi- og veitingahús. Frábær verslunarsvæði, skemmtigarðar og söfn. Það er enn hægt að upplifa náttúruna í Noregi í sinni tærustu mynd. Loft og vatn eru eins tær og heiðblár himinninn. Ósló kemur skemmtilega á óvart, svo mikið er víst. Borgin iðar af lífi og hefur upp á alls kyns afþreyingu að bjóða fyrir alla aldurshópa.

Skemmtigarðurinn Tusenfryd er vinsæll viðkomustaður barnafjölskyldna sem sækja Ósló heim. Tusenfryd er í 30 mínútna akstursfjarlægð frá miðbæ Ósló en út um bílgluggann á leiðinni ber margt fallegt fyrir.

Verslun og veitingar

Dreymir þig góðan mat? Prófaðu Consenzo við Solliplass og Lapsetorvet til að upplifa franska matargerð. Druen er frábær veitingastaður og bar, Standen 1 Akerbrygge, með útsýni yfir Óslófjörð. Lofoten Fiskerestaurant, Standen 75 Akerbrygge býður frábært sjávarfang úr tærum sjó Noregs. Bagatelle, Bygdöv allé 3, er svo einn af bestu veitingastöðum í Ósló, með tvær Michelin-stjörnur.

Prófaðu Karl Johans Gate til að komast í verslanir og verslunarmiðstöðvar. Bogstadveien og Hegdahaugsveien hýsa jafnt fræg hátískumerki sem og H&M, Vero Moda o.fl. Við Torvald Mayrs Gate má finna fatnað og listmuni. Loks er Oslo City stór verslunarmiðstöð nálægt aðalbrautarstöðinni.

Skannaðu kóðann og finndu besta sætið til Óslóar með Icelandair.