Norður ♠ ÁK8652 ♥ D109542 ♦ K ♣ -- Vestur ♠ G9743 ♥ 6 ♦ Á83 ♣ ÁK42 Austur ♠ -- ♥ 873 ♦ G1052 ♣ 1098653 Suður ♠ D10 ♥ ÁKG ♦ D9764 ♣ DG7 Suður spilar 6♥

Norður

♠ ÁK8652

♥ D109542

♦ K

♣ --

Vestur

♠ G9743

♥ 6

♦ Á83

♣ ÁK42

Austur

♠ --

♥ 873

♦ G1052

♣ 1098653

Suður

♠ D10

♥ ÁKG

♦ D9764

♣ DG7

Suður spilar 6♥.

„Ég blæs á allt tal um falsfréttir nú til dags.“ Gölturinn er yfirleitt ekki hneykslunargjarn en „það er eins og spilarar á þessum tíma hafi verið í álögum – menn lugu blygðunarlaust, lyginnar vegna“.

Spil frá HM-leik Svía og Bandaríkjamanna árið 1953 hafði þessi örvandi áhrif á Göltinn. Austur (John Crawford) opnaði á 1♣ og suður (Nils-Olof Lilliehöök) kom inn á 1♥. Blekking á hvorum tveggja vígstöðvum! Vestur (Howard Schenken) sagði heiðarlega 1♠, sem norður (Gunnar Anulf) trúði rétt mátulega og stökk í 6♥. Allir pass og laufás út.

Lilliehöök trompaði, fór heim á hjartaás, læddi út lúmskum laufgosa og henti tígulkóng úr borði þegar Schenken dúkkaði. Yfirdrap svo hjartagosa til að spila spaða að ♠D10. Austur dúkkaði réttilega, en það breytti engu. Lilliehöök tók á drottningu, gaf slag á spaðagosa og trompaði spaðann frían. Tólf slagir.