Norður
♠ K53
♥ G42
♦ K6
♣ ÁG1043
Vestur
♠ D74
♥ D65
♦ D1052
♣ D72
Austur
♠ 10982
♥ 987
♦ 9743
♣ 86
Suður
♠ ÁG6
♥ ÁK103
♦ ÁG8
♣ K95
Suður spilar 6G.
„Ég vissi um leið og ég tók upp spilin mín að ég væri í vandræðum.“ Kalli kaldhæðni sat í vestur með allar dömurnar og átti út gegn 6G. Suður opnaði á 2G og norður stökk beint í slemmu. Öll útspil kosta slag, en Kalli valdi tígulinn út á lengdina.
Kalli þessi kaldhæðni – eða Cy the Cynic á ensku – er fastagestur í hverfisklúbbi Franks Stewarts. Klúbburinn er raunar hvergi til nema á pappír, en Kalli kemur ljóslifandi fram í texta Stewarts sem beiskur miðaldra maður, sem alltaf þarf að láta í minni pokann, ekki síst þegar konur eiga í hlut.
Suður fékk fyrsta slaginn á tígulgosa heima og velti fyrir sér útspilinu. Af hverju spilaði Kalli út tígli frá drottningunni? Kannski var hann í fjórföldum kvennavandræðum! Suður gerði ráð fyrir því – fór rétt í laufið, tók ♥ÁK og þvingaði þrettánda slaginn af Kalla með Vínarbragði í lokin.