Norður
♠ K
♥ ÁK2
♦ KD72
♣ D6543
Vestur
♠ 843
♥ 109865
♦ G105
♣ G2
Austur
♠ G109752
♥ G3
♦ 96
♣ K107
Suður
♠ ÁD6
♥ D74
♦ Á843
♣ Á98
Suður spilar 6G.
Slemma var spiluð á næstum öllum borðum í þessu spili HM ungmenna, yfirleitt 6♦, en stundum 6G eða 6♣. Laufliturinn er í aðalhlutverki, hver sem slemman er. Sagnhafi á 11 slagi beint (úr því tígullinn fellur) og þarf að skapa sér einn á aukalega á lauf – án þess, auðvitað, að gefa tvo. Hvernig fer hann að því? Útspilið er hjartatía.
Eðlilegasta íferðin í laufið er að taka á ásinn og spila svo litlu á drottninguna. Allir sagnhafar í 6G spiluðu þannig og fóru niður með heiðri og sóma. En slemman stendur með gleypisvíningu (intra-finesse). Þá er byrjað á því að hleypa laufáttu yfir á tíu austurs og síðan er gosi vesturs gleyptur með drottningunni þegar svínað er fyrir kónginn síðar. Kannski er þetta aðeins á móti líkum, en „tilfinningaríkir“ spilarar gætu kosið þessa leið ef vestur fipast ekkert yfir laufáttunni.