Norður
♠ 982
♥ Á108
♦ Á5
♣ KDG104
Vestur
♠ D74
♥ KG72
♦ KD93
♣ 73
Austur
♠ K10653
♥ 965
♦ 1084
♣ 95
Suður
♠ ÁG
♥ D43
♦ G762
♣ Á862
Suður spilar 3G.
„Taskan mín týndist í flugi og sex blaðsíðna setningarræðan með. Sjálfsagt bættur skaðinn. En að öðru leyti gengur allt eftir áætlun.“ Heimsmeistaramót í fjórum flokkum hófst í Marokkó á sunnudaginn og sá sem hér er vitað til á hóteltröppum í Marrakesh er forseti heimssambandsins, Svíinn Jan Kamras.
„Fjör í hálfan mánuð á bíbíó,“ segja fuglarnir og nudda saman vængjum af eftirvæntingu. Þeir höfðu gaman af að fylgjast með Ítalanum Antonio Sementa vinna 3G í þessu spili úr fyrstu umferð. Útspilið var spaðafjarki.
Sementa dúkkaði kónginn, fékk næsta slag á spaðaás (vestur lét drottninguna) og tók svo fimm slagi á lauf. Spilaði síðan spaða (!) og austur gekk frá makker sínum með því að taka alla fríspaðana. Svokölluð „sjálfsmorðsþvingun“ (suicide squeeze) þótt „makkersmorð“ væri kannski nákvæmara heiti.