Kristján Jónsson
kris@mbl.is
Ýmis félagasamtök á Íslandi ásamt biskupi og fleirum innan þjóðkirkjunnar boða fulltrúa stjórnvalda til fundar í dag klukkan 17 í sal Hjálpræðishersins við Suðurlandsbraut.
Sendu þau frá sér yfirlýsingu þar sem lýst er „þungum áhyggjum af mjög alvarlegri stöðu sem komin er upp í málefnum fólks á flótta sem vísað hefur verið úr allri þjónustu opinberra aðila eftir neikvæða niðurstöðu umsóknar um vernd á báðum stjórnsýslustigum.“
Í yfirlýsingunni segir einnig að „mikill vafi leiki á að framkvæmdin standist þær mannréttindaskuldbindingar sem íslensk stjórnvöld hafa undirgengist,“ og hinn fjölbreytilegi hópur sem stendur að fundinum virðist sammála um þær áhyggjur.
Að fundinum standa: Barnaheill, biskup Íslands, FTA – félag talsmanna umsækjenda um alþjóðlega vernd, Geðhjálp, GETA hjálparsamtök, Hjálparstarf kirkjunnar, Hjálpræðisherinn á Íslandi, Íslandsdeild Amnesty International, Kvenréttindafélag Íslands, Mannréttindaskrifstofa Íslands, No Borders, prestar innflytjenda í þjóðkirkjunni, Rauði krossinn á Íslandi, Réttur barna á flótta, Samhjálp, Samtökin 78, Solaris, Stígamót, UNICEF á Íslandi, UN Women á Íslandi, W.O.M.E.N. – samtök kvenna af erlendum uppruna, Þroskahjálp og ÖBÍ – heildarsamtök fatlaðs fólks á Íslandi.
Fundurinn
Þau standa að fundinum: Barnaheill, biskup Íslands, FTA - félag talsmanna umsækjenda um alþjóðlega vernd, Geðhjálp, GETA hjálparsamtök, Hjálparstarf kirkjunnar, Hjálpræðisherinn á Íslandi, Íslandsdeild Amnesty International, Kvenréttindafélag Íslands, Mannréttindaskrifstofa Íslands, No Borders, prestar innflytjenda í þjóðkirkjunni, Rauði krossinn á Íslandi, Réttur barna á flótta, Samhjálp, Samtökin 78, Solaris, Stígamót, UNICEF á Íslandi, UN Women á Íslandi, W.O.M.E.N. – samtök kvenna af erlendum uppruna, Þroskahjálp og ÖBÍ - heildarsamtök fatlaðs fólks á Íslandi.