Confit-eldaður lax
400 g villtur lax (ef hann fæst ekki, þá landeldislax)
150 g sykur
150 g salt
1 sítróna
Aðferð:
Salti og sykri er blandað saman og börkurinn af sítrónunni rifinn út í. Laxinn er bein- og roðhreinsaður. Síðan er helmingnum af saltblöndunni dreift í botninn á fati og laxinn lagður í blönduna og restinni af saltblöndunni er dreift ofan á. Laxinn er grafinn í 2 klst. og svo skolaður með köldu vatni. Laxinn er skammtaður í 60-70 g bita og vakúmpakkað með ólífuolíu. Laxinn er eldaður á 45°C í 20 mínútur í sous vide-vatnsbaði, svo er hann kældur.
Piparrótarskyr
200 g skyr
1 tsk. piparrótarmauk
Klípa af salti
Sítrónusafi úr ½ sítrónu
Aðferð:
Öllu blandað saman í skál og smakkað til með salti og sítrónusafa.
Gúrkuteningar
½ gúrka
Salt
Sykur
1 tsk. Hvítvínsedik
Aðferð:
Gúrkan er skorin í fernt og kjarninn skorinn úr, síðan er hún skorin í teninga og þeir síðan kryddaðir til með klípu af salti, sykri og hvítvínsedikinu.