Fyrst í 100 milljónir spilana á mánuði

Bandaríska tónlistarkonan Taylor Swift er fyrsta konan til þess að ná 100 ­milljónum spilana á einum mánuði á streymis­veitunni Spotify. Þetta hefur BBC eftir Spotify. Swift er líka fyrsta konan til þess að ná fjórum plötum inn á bandaríska topp-10-listann á sama tíma og einungis þriðji tónlistarmaðurinn til þess að ná þeim árangri. Hún gaf nýverið út endurgerð af plötunni Speak Now sem hefur trónað á toppnum bæði í Bandaríkjunum og á Bretlandi.