Norður
♠ Á843
♥ 10
♦ ÁG53
♣ KG95
Vestur
♠ 976
♥ D4
♦ 1084
♣ 108743
Austur
♠ KG102
♥ 83
♦ KD76
♣ ÁD2
Suður
♠ D5
♥ ÁKG97652
♦ 92
♣ 6
Suður spilar 4♥.
Gölturinn lagði á borðið spil úr átta-liða úrslitum HM: „Austur telur upp í 15 punkta og opnar á grandi, hvort sem það er 15-17 punkta afbrigðið eða einhver veikari gerð. Á meðan telur suður hjörtun sín á fingrum beggja handa og kemst að því að þau eru átta. Ekki spurning, hugsar hann, og stekkur í 4♥.“
„Hugsar HANN!“ Óskar ugla gat ekki stillt sig: „Er þetta ekki svolítill kynjahalli?
„Alls ekki,“ svaraði Gölturinn að bragði: „Þar sem HÚN var í suður kom pass.“
Sú HÚN sem Gölturinn vísar til er Janice-Seamon Molson, makker Hjördísar Eyþórsdóttur í bandaríska kvennaliðinu. Þær uppskáru 250 í vörninni í einu grandi, sem var smá uppbót fyrir 420 sem flestir aðrir tóku fyrir að vinna 4♥. Þó ekki Svisslendingurinn Pierre Zimmermann. Hann fékk út spaða gegn 4♥, drap á ás og svínaði hjartagosa. Tapað spil.