Selfoss vann í gærkvöldi dramatískan 1:0-heimasigur á Gróttu í 1. deild karla í fótbolta. Með sigrinum fór Selfoss upp í 23 stig og upp að hlið Gróttu, Þróttar úr Reykjavík og Njarðvíkur í miklum og jöfnum fallslag
Selfoss vann í gærkvöldi dramatískan 1:0-heimasigur á Gróttu í 1. deild karla í fótbolta. Með sigrinum fór Selfoss upp í 23 stig og upp að hlið Gróttu, Þróttar úr Reykjavík og Njarðvíkur í miklum og jöfnum fallslag. Spænski varnarmaðurinn Adrián Sánchez skoraði sigurmark Selfyssinga á sjöundu mínútu uppbótartímans og gæti markið reynst gulls ígildi. Þrátt fyrir sigurinn er Selfoss enn í fallsæti, en nú aðeins á markatölu.