Norður
♠ Á32
♥ ÁD4
♦ 54
♣ ÁG876
Vestur
♠ 985
♥ 532
♦ ÁG
♣ K9532
Austur
♠ 106
♥ 10986
♦ D1098732
♣ –
Suður
♠ KDG74
♥ KG7
♦ K6
♣ D104
Suður spilar 4-6♠.
„Merkilegt spil,“ sagði Óskar ugla og beindi gulum augunum til lofts: „Fjórir spaðar vinnast aldrei en sex spaðar standa á borðinu.“
Uglan færir þetta svolítið í stílinn, en hitt er staðreynd að spilið skóp 17 stiga sveiflu í undanúrslitaleik Sviss og Bandaríkjanna í Marrakesh. Pierre Zimmermann varð sagnhafi í 4♠ öðrum megin og fékk út lítið lauf frá Jeff Meckstroth. Zimmermann stakk upp ás og Zia í austur trompaði! Vörnin tók strax fjóra slagi í viðbót: tvo á tígul, laufkóng og aðra stungu. Tveir niður. Hinum megin kom Jacek Kalita út með tromp gegn 6♠ og Brad Moss fékk alla slagina þrettán. Fimm slaga útspil.
„Af hverju útspilsdoblaði austur ekki slemmuna?“ spurði einhver og fékk svar við hæfi: „Það þarf tvo slagi til að hnekkja sex.“