Glæpur aldarinnar: Kraftaverkið

Í fyrri greinum (29. júní, 7. og 18. júlí og 16. ágúst) var fjallað um aðdraganda kórónuveirufaraldursins og hvernig neyðarástand var nýtt til að fá yfirvöld til að veðja á vanprófuð tilraunaefni. Bóluefnaleiðin átti að verða kraftaverkalausnin sem réttlætt gæti allar fórnir yfirvalda.

Nýlega steig Kári Stefánsson fram og sagðist nú vera á móti covid-bólusetningum fólks yngra en 50 ára vegna tíðni hjartavöðvabólgu. En dró svo í land og sagði að miðað við „fyrirliggjandi upplýsingar“ áður hefði bólusetning allra verið rétt. Þessi yfirlýsing er merkileg því Kári var aðaláhrifavaldur bólusetningarátaks yfirvalda. Sumarið 2020 bjargaði hann starfi sóttvarnalæknis með leikþætti þegar hann sagðist aðeins taka símtöl frá Þórólfi því hann væri svo „skemmtilegur“. Eftir það fylgdu Þórólfur og yfirvöld flestum tillögum Kára. Þegar innanlandssmit fóru af stað í ágúst 2020 og hætta varð á að náttúrulegt hjarðónæmi gæti eyðilagt bóluefnasöluna virtist Kári hóta að hætta að aðstoða yfirvöld nema landinu yrði lokað.1) Yfirvöld hlýddu og eftir það gat aðeins kraftaverkabóluefni réttlætt fórnirnar.

En hvaða „fyrirliggjandi upplýsingar“ hefði Kári átt að þekkja?

Augljóslega vissi hann að deCode mældi dánartíðni covid í fyrstu bylgjunni aðeins 0,3%. Um sumarið minnkaði skaðsemin enn frekar, eða í 0,04% þegar enginn dó frá lokum apríl fram í október. Þá var vitað að þúsundfaldur munur var á skaðsemi covid eftir aldurshópum og því glórulaust að prófa tilraunabóluefni á ungu fólki.2)

Í október 2020 fjallaði Vísindavefurinn um covid-bóluefnin og þar var bent á að slík blóðrásarbóluefni virkuðu gegn sýkingum en gætu ekki hindrað smit í öndunarfærum.3) Slík virkni hefði verið kraftaverk.

Við fyrstu fréttatilkynningu Pfizer fór Kári að kalla tilraunabóluefnin nammi.4) 3. desember 2020 viðurkenndi forstjóri Pfizer í viðtali að það þyrfti að skoða hvort bóluefnin hindruðu smit (transmission).5) Í lok desember 2020 buðu Kári og Katrín Jakobsdóttir Íslendinga fram í hjarðónæmistilraun fyrir Pfizer. Því var ekki tekið en þegar dreifing bóluefna hófst voru þau kynnt sem hjarðónæmislyf. Yfirvöld (og Kári) vildu selja kraftaverkið.

Stærsti skandallinn við þróun covid-bóluefnanna var að líklegasta hættulega aukaverkun bóluefnanna var ekki rannsökuð. Vitað var að covid lagðist á blóðrásarkerfin, en samt var vísvitandi sleppt að rannsaka áhrif bóluefna (sem líktu eftir vírusnum) á blóðrásarkerfið. Í janúar 2021 fékk fjölda ungra manna í Ísrael hjartavöðvabólgu eftir sprautu. Mánuði síðar kom út aðvörun hóps vísindamanna við blóðrásarkvillum.6) Stuttu síðar hættu mörg lönd að nota Astra-Zeneca vegna blóðtappavandamála. Í maí 2021 sýndu dýraprófanir að broddprótín bóluefnisins gat get sambærilegan lungnaskaða og covid.7) Í annarri dýraprófun Pfizer mældist tvöföldun í tíðni fósturláta.8) Þrátt fyrir það vöruðu hvorki yfirvöld né Kári neinn við.

Burðarefni mRNA-bóluefnanna eru lípíð-nanóagnir. Frumur sem agnirnar snerta „smitast“ og fara að framleiða broddprótín. Þessar agnir komast auðveldlega í gegnum allar lífhimnur líkamans sem verja viðkvæm líffæri, þ. á m. heilann.
Í maí 2021 var birt rannsókn Pfizer sem sýndi að nanóagnirnar dreifast um allan líkamann og safnast fyrir í háum styrk í nýrnahettum, lifur, liðamótum, kynfærum, beinmerg o.fl.9) Á sýktum svæðum geta komið fram krabbamein og sjálfsónæmi. Í maí 2021 var vitað að eitrið fór á verstu staði. Þrátt fyrir það vöruðu hvorki yfirvöld né Kári neinn við.

Í janúar 2021 var vitað að bóluefni Pfizer lamaði ónæmiskerfið fyrstu vikuna eftir sprautu.10) Í áhættuáætlun bóluefnisins var kallað eftir rannsóknum á hvort ADE-ónæmisbælingarvirkni fylgdi bóluefninu, sem gerði bólusetta útsettari fyrir veikindum síðar meir. Nýleg rannsókn sýndi að sex mánuðum eftir bólusetningu breyttust mótefni bólusettra í bundin mótefni, sem verja vírusinn gegn ónæmiskerfinu.11) Skæðar umgangspestir að undanförnu gætu verið ein birtingarmynd þessarar ónæmisbælingar í samfélaginu. Þrátt fyrir að vitað væri af þessari hættu vöruðu hvorki yfirvöld né Kári neinn við.

Þvert á móti kallaði aðalráðgjafi yfirvalda óbólusetta drullusokka og vildi flytja þá út í Grímsey.

Ráðgjöf Kára var ávallt á einn veg. Bólusetja átti sem flesta (og hámarka bóluefnagróðann). Það ætti engum að koma á óvart því sömu lykileigendur eru á bak við Amgen (eiganda ÍE) og Pfizer.

En af hverju hlýddu yfirvöld þá í blindni? Líklegasta er að þau hafi einfaldlega viljað kraftaverkalausn sem gæti firrt þau ábyrgð. En kraftaverkið hefur breyst í martröð því raunveruleikinn er óumflýjanlegur. Raunverulegra eiturverkana er ekki hægt að óska sér burt. Það er bara hægt að takast á við afleiðingarnar.

Næst verður fjallað um þær.

1) https://tinyurl.com/kraftav1

2) https://tinyurl.com/kraftav2

3) https://tinyurl.com/kraftav3

4) https://tinyurl.com/kraftav4

5) https://tinyurl.com/kraftav5

6) https://tinyurl.com/kraftav6

7) https://tinyurl.com/kraftav7

8) https://tinyurl.com/kraftav8

9) https://tinyurl.com/kraftav9

10) https://tinyurl.com/kraftav10

11) https://tinyurl.com/kraftav11