Bítlarnir og Stones saman á nýrri plötu

Rolling Stones hefur loks gengist við því að næsta hljóðversplata sveitarinnar sé væntanleg og að hún muni heita Hackney Dia­monds líkt og orðrómur sagði til um. Variety greinir frá því að allar nánari upplýsingar verði kynntar í dag á sérstökum You­Tube-blaðamannafundi í Hackney í austurhluta Lundúna þar sem eftirlifandi meðlimir sveitarinnar, Mick Jagger, Keith Richards og Ron Wood, verða til svara í streymisviðtali við Jimmy Fallon stjórnanda Tonight Show. Sveitin hefur um árabil safnað lögum á breiðskífuna og heyrst hefur að á plötunni verði að finna að minnsta kosti eitt lag með eftirlifandi meðlimum Bítlanna, þeim Ringo Starr og Paul McCartney.