Norður
♠ KG8762
♥ K43
♦ 3
♣ ÁG6
Vestur
♠ 943
♥ D108762
♦ 84
♣ 32
Austur
♠ 5
♥ 95
♦ DG9765
♣ D954
Suður
♠ ÁD10
♥ ÁG
♦ ÁK102
♣ K1087
Suður spilar 7G.
Alslemma var sögð á báðum borðum í HM-úrslitaleik Sviss og Noregs. Jacek Kalita átti náðuga daga í 7♠ – tók 13. slaginn með hjartatrompun. En Boye Brogeland gat ekkert trompað – hann var í 7G og varð að finna úrslitalaginn eftir öðrum leiðum. Boye fékk út spaða.
„Þetta er hárreisandi spil.“ Magnús mörgæs var fullur hluttekningar. „Það má svína í laufinu á báða vegu, svína hjartagosa eða spila upp á einhvers konar þvingun. Ekkert er öruggt og á endanum þarf að sagnhafi að giska.“
Boye stóð sig vel. Hann tók sex slagi á spaða og austur henti þremur tíglum, hjarta og laufi, en vestur þremur hjörtum. Heima henti Boye fyrst laufi, svo tígli og loks tígultíu. Svo komu tveir efstu í hjarta og lokastaðan samanstóð af ♣ÁG6 í borði og ♣K108 heima. Boye spilaði laufi á ÁS, svo gosa úr borði og svínaði.
Hjúkk!