Hvað borðar þú í morgunmat?
„Morgunkorn eða jógúrt. Eitthvað létt og einfalt áður en ég legg af stað í vinnuna.“
Hvert er uppáhaldsveitingahúsið þitt?
„Dill.“
Hvaða borg er í uppáhaldi og af hverju?
„Kaupmannahöfn. Sennilega vegna þess hve oft ég hef komið þangað og get leyft mér að gera það sem mér dettur í hug án þess að gera nein stór plön.“
Hvað gerir þú á góðum degi þegar þú vilt dekra við þig?
„Elda. Ef ég hef allan daginn frían finnst mér ideal að undirbúa kvöldmatinn strax um morguninn: fletta upp uppskriftum, kaupa í matinn, láta malla á lágum hita, baka brauð, opna vínflösku.“
Hvað er það dýrasta sem þú hefur keypt í eldhúsið þitt?
„Kaffikvörn. Ég hef átt sömu kvörnina í 15 ár og skipt út varahlutum eftir þörfum. Hún skiptir mig meira máli en allt kaffidótið sem ég hef sankað að mér á ævinni.“
Finnst þér skipta máli að drekka kaffi eða vín úr fallegum bollum og glösum?
„Ég er ekkert voðalega kresinn þegar kemur að bollum eða glösum. Svo lengi sem það er einfalt að drekka úr kaffibollanum og ég brenni mig ekki á puttunum þegar ég held á honum, þá er ég góður. Mér voru gefin Riedel-hvítvínsglös einhver jólin og þau urðu strax go-to-glösin fyrir langflest vín og bjór sem er í uppáhaldi hjá mér.“
Hvaða bók er á náttborðinu hjá þér?
„Pleasure Activism eftir Adrienne Maree Brown.“
Hvað ertu að horfa á um þessar mundir?
„Buffy the Vampire Slayer.“
Til baka
Leita í greinasafni
Prenta grein