Messur

AKUREYRARKIRKJA | Haustmessa kl. 11. Félagar úr Kór Akureyrarkirkju leiða safnaðarsöng. Organisti er Eyþór Ingi Jónsson. Prestur er sr. Jóhanna Gísladóttir.

ÁRBÆJARKIRKJA | Guðsþjónusta kl. 11 með þátttöku fermingarbarna á septembernámskeiði. Foreldrafundur verður síðan í beinu framhaldi af messunni. Kór Árbæjarkirkju syngur undir stjórn Guðmundar Ómars Óskarssonar organista. Sr. Þór Hauksson, sr. Petrína Mjöll Jóhannesdóttir og Ingunn Björk Jónsdóttir djákni prédika og þjóna fyrir altari. Sunnudagaskólinn er á sama tíma í safnaðarheimilinu í umsjón Andreu Önnu Arnarsdóttur, Thelmu Rósar Arnarsdóttur og Sigurðar Óla Karlssonar.

ÁSKIRKJA | Messa og barnastarf kl. 13. Emma og Þorsteinn annast samverustund barnanna í sunnudagaskólanum. Séra Ásta Ingibjörg Pétursdóttir prédikar og þjónar fyrir altari. Kór Áskirkju syngur, organisti Bjartur Logi Guðnason. Hressing að messu lokinni.

Ástjarnarkirkja | Guðsþjónusta kl. 17. Sr. Arnór Bjarki (sr. Nói) leiðir hið talaða mál og Erla Rut leiðir tónlist og safnaðarsöng. Heit kvöldmáltíð í boði fyrir alla kirkjugesti að lokinni Guðsþjónustu.

BESSASTAÐASÓKN | Sunnudagaskóli í Brekkuskógum 1 kl. 11. Umsjón með honum hafa Eva Lín, Vilborg Ólöf, Þórey María og Þórarinn. Síðdegisguðsþjónusta í Bessastaðakirkju kl. 17. Sr. Hans Guðberg og Vilborg Ólöf djákni þjóna fyrir altari. Lærisveinar hans leika undir sönginn ásamt Ástvaldi organista. Sérstakur gestasöngvari er Bjarni Ara.

BRAUTARHOLTSKIRKJA Kjalarnesi | Messa kl. 17. Rólegir og notalegir Taize sálmar sungnir. Kirkjukór Reynivallaprestakalls leiðir sálmasöng undir stjórn Sveins Arnars Sæmundssonar organista. Sr. Arna Grétarsdóttir sóknarprestur þjónar fyrir altari og predikar. Altarisganga.

BREIÐHOLTSKIRKJA | Fjölskyldumessa kl. 11. Þetta verður skemmtileg stund þar sem verður sögð biblíusaga, mikið sungið og slegið á létta strengi. Sr. Pétur Ragnhildarson og sr. Jón Ómar Gunnarsson leiða stundina ásamt Nönnu Birgisdóttur Hafberg. Eftir stundina verður kirkjugestum boðið upp á pylsur.

DIGRANESKIRKJA | Íþrótta- og sunnudagaskóli kl. 11. Ásdís og Sara hafa umsjón. Súpa eftir stundina. Guðsþjónusta kl. 20. Sr. Alfreð Örn og Sr. Hildur Sigurðardóttir leiða stundina. Lofgjörðarband spilar.

DÓMKIRKJAN | Messa kl. 11. Séra Elínborg Sturludóttir, Guðmundur Sigurðsson og Dómkórinn.

FELLA- og Hólakirkja | Barokkmessa kl. 17. Kammerhópurinn ReykjavíkBarokk sér um tónlistarflutning í „Barokkmessu” með þeim Ástu Sigríði Arnardóttur sópran og Ólafi Þórarinssyni drengjasópran. Flutt verða verk eftir Isabellu Leonarda, Lucretiu Vizzana og Georg F. Händel. Messan er hluti af tónlistarhátíðinni Kona - forntónlistarhátíð 2023.Sr. Pétur Ragnhildarson þjónar fyrir altari og prédikar í messunni.

FRÍKIRKJAN Reykjavík | Guðsþjónusta sunnudag kl. 14. Dr. Sigurvin Lárus Jónsson prestur Fríkirkjunnar leiðir stundina. Hljómsveitin Mantra og Sönghópurinn við Tjörnina leiða tónlistina ásamt Gunnari Gunnarssyni, organista. Fermingarbörn og fjölskyldur þeirra eru hvött til að mæta.

GRAFARVOGSKIRKJA | Guðsþjónusta kl. 11. Sr. Arna Ýrr Sigurðardóttir þjónar. Kór Grafarvogskirkju leiðir söng. Organisti er Hákon Leifsson. Sunnudagaskóli er á sama tíma á neðri hæð kirkjunnar. Umsjón hafa Kristín Kristjánsdóttir djákni, Ásta Jóhanna Harðardóttir, og Hulda Berglind Tamara. Undirleikari er Stefán Birkisson. Vörðumessa er kl. 13 í Kirkjuselinu í Spöng. Sr. Arna Ýrr Sigurðardóttir þjónar. Vox Populi leiðir söng. Organisti er Hákon Leifsson.

GRENSÁSKIRKJA | Jesús og við er yfirskrift fjölskyldustöðvamessu kl. 11. Ásta Haraldsdóttir spilar, kórkonur úr Domus Vox syngja, Daníel Ágúst djákni og sr. Eva Björk þjóna ásamt messuþjónum á öllum aldri. Fjölskyldumessa er helgihald fyrir unga og eldri. Í stöðvamessu er boðið upp á stöðvar þar sem fjölskyldan fær að ganga um kirkjuna og kveikja á kerti, fá krossmark með vígðu vatni á ennið, fá brauð og vínber við altarið og setja hugsanir sínar til Jesú á blað.

GRUND dvalar- og hjúkrunarheimili | Guðsþjónusta í umsjón Félags fyrrum þjónandi presta sunnudag kl. 14 í hátíðarsal Grundar. Prestur er Gylfi Jónsson. Félagar úr Grundarkórnum leiða söng undir stjórn Kristínar Waage organista.

GUÐRÍÐARKIRKJA í Grafarholti | Guðsþjónusta kl. 11. Prestur sr. Leifur Ragnar Jónsson. Tindatríóið mætir í Guðríðarkirkju og skemmtir okkur með fallegum söng. Sunnudagaskólinn alltaf á sínum stað kl. 11. Kirkjuvörður er Lovísa Guðmundsdóttir.

HAFNARFJARÐARKIRKJA | Messa kl. 11. 50, 60 og 70 ára fermingarafmælishátíð. Sr. Aldís Rut Gísladóttir þjónar. Kári Þormar og Barbörukórinn sjá um tónlistina. Örn Geirsson flytur hugvekju. Léttur hádegisverður á eftir, skráning í málsverðinn fer fram í síma 5205700. Sunnudagaskóli í safnaðarheimilinu á sama tíma.

HALLGRÍMSKIRKJA | Messa kl. 11. Sr. Irma Sjöfn Óskarsdóttir þjónar fyrir altari og prédikar. Organisti er Björn Steinar Sólbergsson. Félagar úr Kór Hallgrímskirkju syngja. Messuþjónar aðstoða. Barnastarfið er í umsjá Ragnheiðar Bjarnadóttur og Rósu Hrannar Árnadóttur.Ensk messa kl. 14. Sr. Bjarni Þór Bjarnason þjónar fyrir altari og prédikar

HÁTEIGSKIRKJA | Messa 16. sunnudag eftir þrenningarhátíð, 24. september kl. 11. Sr. Jón Ásgeir Sigurvinsson prédikar og þjónar fyrir altari. Organisti er Guðný Einarsdóttir. Félagar í Kordíu, kór Háteigskirkju, leiða safnaðarsöng.

HJALLAKIRKJA Kópavogi | Messa kl. 11. Sr. Hildur Sigurðardóttir prédikar og þjónar fyrir altari. Organisti er Sólveig Sigríður Einarsdóttir. Súpa eftir messu í safnaðarheimilinu.

Kirkjuselið í Spöng | Vörðumessa kl. 13 sunnudag. Sr. Arna Ýrr Sigurðardóttir þjónar. Vox Populi leiðir söng. Organisti er Hákon Leifsson. Kertaljós og heilög máltíð.

KÓPAVOGSKIRKJA | Guðsþjónusta kl. 11, sr. Sigurður Arnarson prédikar og þjónar fyrir altari. Félagar úr kór Kópavogskirkju syngja undir stjórn Elísu Elíasdóttur organista. Sunnudagaskólinn á sama tíma í safnaðarheimilinu Borgum.

LANGHOLTSKIRKJA | Messa og sunnudagaskóli kl. 11, sunnudag. Sara Grímsdóttir söngkona leiðir sunnudagaskólann. Góðir grannar syngja við messuna undir stjórn Egils Gunnarssonar. Organisti er Magnús Ragnarsson. Sr. Ásta Ingibjörg Pétursdóttir þjónar við messuna ásamt kirkjuverði og messuþjónum. Léttur hádegisverður að messu lokinni.

LINDAKIRKJA í Kópavogi | Sunnudagaskóli kl. 11. Guðsþjónusta kl. 20. Tónlistin er í höndum Óskars Einarssonar. Sr. Guðni Már Harðarson þjónar.

Mosfellsprestakall | Guðsþjónusta kl. 11 í Mosfellskirkju. Sr. Henning Emil Magnússon prédikar og þjónar fyrir altari. Kirkjukór Lágafellssóknar leiðir safnaðarsönginn. Organisti: Árni Heiðar Karlsson. Kaffisopi í skrúðhúsi eftir messu. Sunnudagaskólinn kl. 13 í Lágafellskirkju. Eftir stundina verður í boði hressing í skrúðhúsi og krakkarnir fá fjársjóðskistu með sér heim. Umsjón: Sr. Henning Emil, Andrea og leiðtogar.

NESKIRKJA | Messa og barnastarf kl. 11 í Neskirkju. Félagar úr Kór Neskirkju syngja undir stjórn Steingríms Þórhallssonar organista. Kristrún, Ásdís og Ari leiða barnastarfið. Prestur er Skúli S. Ólafsson. Þetta er jafnframt síðasta helgin þar sem sýning Huldu Stefánsdóttur, Jaðarstund, er uppi. Kaffi á Torginu að samverum loknum.

NJARÐVÍKURKIRKJA Innri-Njarðvík | Fjölskylduguðsþjónusta (Innri) kl. 11 sunnudag. Sr. Baldur Rafn Sigurðsson leiðir stundina. Rafn Hlíðkvist og Kór Njarðvíkurkirkju sjá um tónlist. Fermingarbörn og foreldrar þeirra eru sérstaklega velkomin!

ÓHÁÐI SÖFNUÐURINN | Tónlistarmessa sunnudag kl. 14 . Séra Pétur þjónar fyrir altari, Laufey Birgisdóttir er ræðumaður og kynnir ABC hjálparstarf, Vox gospel syngur undir stjórn Matthiasar V. Baldurssonar og maul eftir messu.

SELJAKIRKJA | Barnaguðsþjónusta kl. 11. Óli og Bára leiða stundina ásamt Tómasi organista. Guðsþjónusta kl. 13. Sr. Ólafur Jóhann Borgþórsson predikar. Félagar úr Kór Seljakirkju leiða safnaðarsöng. Organisti: Tómas Guðni Eggertsson.

SELTJARNARNESKIRKJA | Fræðslumorgunn kl 10. Minningar um dr. Pál Ísólfsson. Sr. Anna Sigríður Pálsdóttir talar um föður sinn. Messa kl. 11. Sóknarprestur þjónar. Organisti kirkjunnar leikur á orgelið. Félagar úr Kammerkórnum syngja. Kaffiveitingar í safnaðarheimilinu eftir athöfn. Sunnudagaskóli kl. 13. Söngur, Biblíusaga og föndur. Stund fyrir eldri bæjarbúa þriðjudag kl. 12.30. Kótelettuhátíð. Á miðvikudag er foreldramorgunn kl. 10-12, morgunkaffi kl. 9-11 og kyrrðarstund kl. 12. Léttur málsverður.

VÍDALÍNSKIRKJA | Sunnudagaskóli í Urriðaholtsskóla kl. 10. Jóna Þórdís og Trausti leiða stundina. Messukaffi og leikur eftir samveruna. Sunnudagaskóli í safnaðarheimili Vídalínskirkju kl. 11. Hjördís og Þorkell stýra stundinni. Messukaffi og litir eftir samveruna. Messa í Vídalínskirkju kl. 11. Sr. Jóna Hrönn Bolladóttir þjónar. Kór Vídalínskirkju syngur undir stjórn Bjarts Loga Guðnasonar organista. Messukaffi eftir stundina.

VÍÐISTAÐAKIRKJA í Hafnarfirði | Sunnudagaskóli kl. 10. Skemmtileg og fræðandi stund fyrir börn á öllum aldri. Messa kl. 11. Kór Víðistaðasóknar syngur undir stjórn Sveins Arnars Sæmundssonar organista og sr. Stefán Már Gunnlaugsson héraðsprestur þjónar. Kaffihressing í safnaðarheimilinu á eftir.