Norður
♠ ÁK72
♥ 98
♦ 875
♣ G1073
Vestur
♠ D104
♥ ÁD432
♦ K62
♣ 86
Austur
♠ G86
♥ 1075
♦ DG94
♣ 952
Suður
♠ 953
♥ KG6
♦ Á103
♣ ÁKD4
Suður spilar 3G.
„Ég held ég hafi aldrei opnað bridsbók sem ekki inniheldur að minnsta kosti eitt svona dæmi.“
Það er gúrkutíð hjá fuglunum þessa dagana – sumarbridsinn búinn og engin stórmót í gangi á BBO, sem krefjast óskiptrar athygli. Þá fletta þeir gjarnan gömlum bókum í leit að verðugu viðfangsefni. Hér hefur Magnús fundið stef sem hann þykist hafa lesið um hundrað sinnum áður: Suður spilar 3G og fær fyrsta slaginn á hjartagosa.
Óskar tók við keflinu: „Við þurfum að fría slag á spaða án þess að vestur komist inn til að spila hjarta. Trikkið er að spila tvisvar litlum spaða að ás og kóng og dúkka ef vestur fer upp með drottninguna. Vestur þarf að eiga drottningu þriðju. – Er þetta ekki kallað avoidance play á ensku?“
„Jú. Og sniðganga á íslensku. Austur er hættulegur og því er hann sniðgenginn.“