Maggi kom hissa heim úr skólanum: „Kennarinn okkar talaði stanslaust í allan dag!“ „Já, um hvað talaði hann?“ „Hann sagði okkur það ekkert.“ „Amma hóf að ganga 10 kílómetra á dag þegar hún varð sextug

Maggi kom hissa heim úr skólanum: „Kennarinn okkar talaði stanslaust í allan dag!“ „Já, um hvað talaði hann?“ „Hann sagði okkur það ekkert.“

„Amma hóf að ganga 10 kílómetra á dag þegar hún varð sextug. Í dag höfum við ekki hugmynd um hvar hún er.“

Í íþróttum standa allir inni í sal og bíða eftir Jóni. Kennarinn missir þolinmæðina og kallar: „Jón, ertu ekki kominn í íþróttaskóna ennþá?“ „Jú,“ svarar Jón, „alla nema einn!“

„Í nótt,“ sagði hann, „dreymdi mig að ég væri að ganga um á þessari líka fallegu sandströnd.“ „Einmitt!“ stundi hún. „Þá er komin skýringin á fótsporunum í kattarkassanum.“

„Ég keypti mér nýtt búmerang um daginn og ætlaði því að losa mig við það gamla, en það tókst bara ekki. Það kom alltaf til baka.“

„Þegar ég gekk fram hjá húsinu sem ég ólst upp í langaði mig allt í einu til að fá að skoða gamla herbergið mitt. Ég hafði ekki séð það í 30 ár og bankaði því upp á og spurði hvort það væri mögulegt. Mér var ekki svarað og hurðinni bara skellt á nefið á mér. Foreldrar mínir geta verið svo ruddalegir!“