Skúli Guðmundur Johnsen fæddist 30. september 1941 í Ögri í Ögursveit, N-Ís. Foreldrar hans voru Baldur Johnsen, f. 1910, d. 2006, læknir, og Jóhanna Jóhannsdóttir, f. 1908, d. 1996, óperusöngkona.
Skúli útskrifaðist úr læknadeild HÍ 1968 og lauk meistaraprófi í heilbrigðisfræðum frá Edinborgarháskóla 1973.
Hann var héraðslæknir í Vopnafjarðahéraði 1969-1971, aðstoðarborgarlæknir í Reykjavík 1971-1974, borgarlæknir í Reykjavík 1974-1990 og héraðslæknir í Reykjavík 1990-1998 er hann lét af störfum sakir heilsubrests. Hann sinnti jafnframt ráðgjafarstörfum fyrir Alþjóðaheilbrigðismálastofnunina.
Skúli var formaður Stúdentaráðs HÍ 1966-1967, sat í samninganefnd Læknafélags Íslands 1973-1974, almannavarnanefnd Reykjavíkur 1974-1998, sóttvarnarnefnd Reykjavíkur 1974-1996, formaður sjúkraflutninganefndar Reykjavíkur frá 1974, formaður atvinnusjúkdómanefndar ríkisins 1977-1982, sat í byggingarnefnd Borgarspítala 1978-1986, formaður heilbrigðismálaráðs Reykjavíkur frá 1978, í stjórn Vinnueftirlits ríkisins frá 1984 og í stjórn Hollustuverndar ríkisins 1988-1989.
Skúli var kvæntur Stefaníu V. Stefánsdóttur. Börn þeirra eru þrjú.
Skúli lést 8.9. 2001.