Hvítsúkkulaði- og
kampavínsmús
50 g kampavín – ég notaði Moët & Chandon Brut Impérial-kampavín
200 g Síríus hvítir súkkulaðidropar
200 g léttþeyttur rjómi
Hitið kampavín í potti að suðu. Hellið því yfir hvíta súkkulaðið og hrærið þangað til súkkulaðið hefur bráðnað. Gott er að setja blönduna í örbylgjuofn í nokkrar sekúndur og hræra vel inn á milli til að hjálpa súkkulaðinu að bráðna.
Setjið léttþeytta rjómann í stóra skál og blandið súkkulaðiblöndunni varlega saman við með sleikju.
Setjið kampavínsmúsina í eftirréttaglös og geymið í kæli í 1-2 klukkutíma eða yfir nótt.
Jarðarber
500 g jarðarber skorin í teninga
1 msk. sykur
1 msk. sítrónusafi
1/2 vanillustöng
Skafið innan úr vanillustönginni og setjið í skál. Bætið sykri, sítrónusafa og jarðarberjum saman við. Setjið jarðarberin ofan á kampavínsmúsina. Best er að gera þetta rétt áður en eftirrétturinn er borinn fram.
Skreytið að vild en ég notaði skrautkex og fersk blóm.