Pavlóvur
3 eggjahvítur
150 g sykur
2 tsk. vanillusykur
Þeytið eggjahvítur á miðlungshraða í hrærivél.
Bætið sykrinum síðan smátt og smátt saman við þangað til marengsinn er orðinn stífþeyttur.
Setjið marengsinn í sprautupoka með stórum hringlaga sprautustút.
Klæðið bökunarplötu með bökunarpappír og sprautið litlu marengsdoppunum á plötuna.
Setjið svolitla olíu á palet-hníf, eða flatan tertuspaða, og sléttið úr marengsdoppunum. Þetta gerum við til þess að við getum snúið þeim við þegar því kemur.
Bakið pavlóvurnar í 110°C heitum ofni í 2-3 klukkustundir, takið plötuna úr ofninum og leyfið henni að kólna.
Rjómafylling
400 g léttþeyttur rjómi
1 msk. flórsykur
Þeytið rjómann og blandið flórsykrinum saman við.
Setjið rjómann í sprautupoka með hringlaga sprautustút.
Ananas- og
chili-fylling
400 g ananas skorinn í litla teninga
1 msk. sykur
2 msk. Grand Mariner
1-2 tsk. chili-flögur
Blandið öllu saman í skál.
Samsetning
Ef pavlóvurnar eru ekki jafnar er hægt að taka rifjárn og skafa af toppunum svo hægt sé að snúa þeim við.
Sprautið stórri doppu ofan af rjómanum á pavlóvunar.
Gerið litla holu í miðjuna á rjómanum með skeið og setjið ananas- og chili-fyllinguna í miðjuna.
Skreytið að vild. Ég vildi hafa mínar einfaldar þannig að ég stráði örlítið meira af chili-flögum yfir til að fá rauða litinn betur í gegn.