Norður
♠ D6432
♥ D52
♦ D3
♣ D83
Vestur
♠ G985
♥ K1085
♦ G109
♣ 106
Austur
♠ 107
♥ –
♦ 87642
♣ G97543
Suður
♠ ÁK
♥ ÁG9743
♦ ÁK5
♣ ÁK
Suður spilar 6♥.
„Mér reiknast svo til að það séu 95% líkur á því að enginn við borðið taki eftir neinu misjöfnu.“ Gölturinn reif síðu úr gamalli bók eftir Eric Jannerstein (Finnið mistökin) og rétti fuglunum: 6♥ með ♦G út.
Í bókinni er sagnhafi látinn drepa á ♦D til að spila hjarta á gosann. „Augljóslega grjótvitlaust,“ segir Gölturinn. „Hitt er ekki eins augljóst að ekki má taka slaginn heima og leggja niður ♥Á. Jú-jú. Maður ræður við ♥K1086 í austur með því móti, en ekki í vestur. Í þeirri legu er eina vonin að spila fyrst litlu hjarta á drottninguna.“ Jannerstein rekur framhaldið: þegar ♥D á slaginn eru ÁK teknir í svörtu litunum. Síðan er tígli spilað á drottningu og spaði trompaður. Loks er hátígull trompaður til að stinga annan spaða (vestur er upptalinn), ♥9 spilað og lagt upp.
Talan 95%? Nú – líkur á öllum trompunum í vestur eru 5%.